Eru verktakar með lögregluna í vasanum?

„Með lögum skal land byggja en með ólögum eyða“ segir í Njáls sögu og eru einkunnarorð lögreglunnar. Þessi deila er mjög sérstök að því leytinu til að hún er fyrir dómstólunum. Í stað þess að doka þá er verktakalýðræðið látið vera með lögregluna í vasanum. Unnt hefði verið að fara út í mun ódýrari vegaframkvæmd og ná sama árangri með endurgerð og breikkun núverandi vegar. Þetta mikla fé hefði betur mátt nýtast til Landspítalans.

 

Verktakar vilja gjarna nýta sem best vélar og mannskap. Þeir eru vakandi yfir möguleikum til verktöku og ýta undir framkvæmdir, kannski með loforðum um framlög til þeirra stjórnmálamanna sem sýna hagsmunum þeirra skilning. Þetta er þekkt um allan heim og nefnist mútur. Hvers vegna er aldrei bent á að sama gæti verið hér. Eru hagsmunatengsl milli verktakans, bæjarstjórnar Garðabæjar og innanríkisráðherrans sem fyrirskipar lögreglu að hefja handtökur?

 

Þetta deilumál er magnað upp meðan enn er verið að vinna að lögfræðilegri lausn þess fyrir dómstólum. 

Spurning dagsins er því þessi: Eru verktakar með lögregluna í vasanum?

 

Mætum sem flest í mótmælastöðu við Innanríkisráðuneytið í hádeginu! 

Mótmæla við innanríkisráðuneytið

Hefur lögreglan ekkert þarflegra að gera?

Sennilega er lögreglustarfið eitt það erfiðasta sem unnt er að hugsa sér. Í mótmælunum veturinn 2008-2009 reyndi mjög mikið á lögregluna og það verður að segja yfirmönnum hennar sem og óbreyttum liðsmönnum að betur hafi tekist til en oft voru krítísk augnablik. Reynt var að forðast átök og hnjask eftir því sem tök voru á.

Nú horfir öðru vísi til: Tiltölulega fámennur hópur friðsamra mótmælenda er handtekinn að kröfu innanríkisráðherra, Vegagerðarinnar og verktaka. Þessum deilumáli hefur verið vísað til dómstóla sem vonandi vinna hörðum höndum eftir því sem unnt er að komast að skynsamlegri niðurstöðu. Yfirvöld hafa lýst yfir að náttúruverndarmenn hafi ekki lögvarðan rétt til að koma að þessu máli, þeirra samtök séu nánast persona non grata.

Það er með öllu óþolandi að til séu yfirvöld í lýðfrjálsu landi sem sýna þvílíkan valdhroka að fullyrða að Árósasamningarnir sem Ísland er aðili að og fjallar um rétt náttúruverndarsamtaka að beita mótmælum. Svandís Svavarsdóttir ákvað í sinni ráðherratíð að umdirrita og staðfesta þessa aðild og ekki er kunnugt að ríkisstjórnin hafi breytt þeirri ákvörðun.

Lögreglan hefur það verkefni að gæta laga og réttar. En er hlutverk hennar að beita ólögum og órétti gagnvart friðsömum mótmælendum?

Þessi deila er um margt mjög undarleg. Yfirvöld hafa ekki sýnt mótmælendum neitt annað en valdhroka og hafa magnað deiluna. Nú blasir við að Gálgahraun verði eyðilagt og því fórnað í þágu umdeildra framkvæmda. 

Og enn má aftur spyrja: Hefur lögreglan ekkert þarflegra að gera en að handtaka friðsama borgara?

Það kann að vera örstutt á geðþóttaákvörðunum yfirvalda sem þekktust eru fyrir engin vettlingatök. Við skulum ekki innleiða vinnubrögð Görings, Göbbels, Pinochets og annarra miskunnarlausra böðla. Vonbandi sjá íslensk yfirvöld betur að sér.

Spennustigið hátt í hrauninu

Er Ísland ekki lengur mannréttindaríki?

Að mótmæla órétti er hvarvetna viðurkennd mannréttindi í öllum réttarríkjum. Því miður bendir til að sitthvað sé að bretyast eftir að ríkisstjórn Sigmundar Davíðs og Bjarna Benediktssonar tók við völdum síðastliðið vor. Mannréttindi eru ekki eins vel virt og áður var.

Nú er það verktakalýðræðið sem hefur fengið lögregluna til liðs við sig enda hafa verktaka víða um heim yfirvöld í vasanum.

Og nú hefur einn þekktasti fréttamaður, rithöfundur og náttúruverndarsinni, Ómar Ragnarsson, verið handtekinn. Sökin er að hafa barist drengilega gegn kolvitlausri vegagerð.

Mætti heimurinn allur vita af þessari ósvífni. 

Og af einni heimskustu ríkisstjórn í heimi sem kann ekki að haga sér eins og siðað fólk í réttarríki.

Gildir einu hvort menn taka sér alræðisvald og skella hurðum á Evrópusambandið og kunna ekki einu sinni rétt nafn á ríkjum á borð við Kazakstan sem Gunnar utanríkisráðherra nefnir „Kakastan“!

Heimskan er yfirþyrmileg. Og við Íslendingar sitjum uppi með vitlausustu ríkisstjórn allra tíma. 

Ómar: „Ég bara sat áfram“

Drengilegur fallinn formaður

Guðmundur fallinn formaður Öryrkjabandalagsins stóð sig ágætlega. Hann sýndi af sér drengilega framkomu við það að lúta lægra haldi fyrir þeim sem fékk fleiri atkvæði. Óskandi er að hagsmunum skjólstæðinga Öryrkjabandalagsins verði sem best borgið.

 

Alltaf hætta á að tapa

Er þetta svaravert?

Þverhausalandið Ísland á sér marga sjálfskipaða málssvara sem ætla sér seint að átta sig á að við erum hluti Evrópu og verðum að vera meðvitaðir um þessi tengsl. Auðvitað er verið að sýna okkur samningsvilja með því að slá þessu fram sem tilboði um vitrænar viðræður. En sumir vilja sýna ósamstarf og með því mála sig út í horn, því miður.

Ísland skríði ekki fyrir ESB

Ætla sem fyrst á eftirlaun

Sú var tíðin að mikil virðing var borin fyrir þeim eldri. Í heil 6 ár starfaði eg hjá Pósti og síma á árunum 1981-87 og við yngri gátum aldrei reiknað með því að fá störf ef einhver með lengri starfsaldur sótti líka um. Nú er öldin önnur við sem eldri erum teljumst vera „out off“ erum með öðrum orðum ekki í takt við nútímann. Yngra fólkið fær yfirleitt alltaf starfið sem auglýst er jafnvel þó ekki hafi tilskilin réttindi, hvort sem er hjá því opinbera og þessum svonefnda frjálsa og opna lýðræðislega atvinnumarkaði. Hefi eg sjálfur sára reynslu af því og varð undir í kærumáli hjá Umboðsmanni Alþingis þar sem þó var krafist atvinnuréttinda en nemandi ráðinn - hvorki meira né minna. Svona er nú það.  Við sem eldri erum og komin nálægt eftirlaunum erum talin lítt eiga erindi á vinnumarkaðinn nú í dag. Hef sent inn marga tugi ef ekki hundruði umsókna en án árangur. Svona er nú það.

Nú er eg 61 árs og hefi síðan 2008 verið að mestu utan vinnumarkaðarins nema á sumrin en þá er nánast rifist um starfskrafta mína hjá ferðskrifstofunum vegna langrar og farsællrar reynslu sem leiðsögumaður. En að sækja um starf á bókasafni, skjalasafni eða öðru safni áþekku er tómt mál að tala um þrátt fyrir þekkingu, reynslu og starfsréttindi.  Við fundum yngri umsækjanda sem er ódýrari starfskraftur en þú!

Svona er Ísland í dag, sorry því miður! 

Ætlar á eftirlaun á næsta ári 85 ára

Hugmynd á brauðfótum

Því miður eru Íslendingar mjög nýjungagjarnir. Allt of margir hlaupa upp milli handa og fóta og halda að nýtt gullævintýri sé upp runnið. En þegar betur er á botninn hvolft eru maðkar í mysunni:

Kínverskir fjarfestar halda að sér höndum uns þeir eru fullvissir að hagsmunir þeirra séu gulltryggðir. Þeir vilja flytja inn eigið vinnuafl, tryggja sér eignarrétt og frumkæðisrétt framfyrir þá sem fyrir eru. Þetta er líkt og þegar hvíti maðurinn sölsaði undir sig veiðilendur indíána í Ameríku.

Þetta þýska fyrirtæki Bremenport er einkennileg uppfinning nokkurra þýskra athafnamanna. Borgin Bremen er eins og mörg þýsk sveitarfélög nálægt því að vera í þeirri stöðu að geta ekki bætt við sig auknum skuldum. Þeim er ekki heimilt að fjárfesta. Bremen stendur nefnilega ekki allt of vel fjárhagslega sem þeir sem vilja kynna sér þetta betur ættu að gera. Og þýskum sveitarfélögum er ekki heimilt að stunda áhættufjárfestingar eins og þessi hugmynd um Finnafjarðarhöfn. Líkt og Reykjavíkurborg og syðstu nágrannasveitarfélögin á Vesturlandi sem reka Faxaflóahafnir, þá er það Bremenport sem rekur höfnina í Bremenhafen. En sennilega er Faxaflóahöfnum betur stjórnað en Bremenport, þar er kappkostað að gæta hófs og forðast mikla áhættu. 

Mér þætti ekki ósennilegt að þessar hugmyndir um höfn í Finnafirði séu eins óraunhæfar eins og að byggja höfn einhvers annars staðar. Forsendan er að flytja þangað þúsundir fólks til að sinna þeim störfum sem þar kunna að myndast. Kannski að hugmynd Kínverja sé að flytja þorra Reykvíkinga þangað norður í þetta krummaskuð ef þeir fá ekki nægar undirtektir hjá löndum sínum að flytjast þangað.  

 

Viðlegukantur hafnarinnar yrði 5 km

Lykillinn að betri fjármálum

Rebúblikanar hafa farið m ikinn í stjórnmálum í Bandaríkjunum. Þeir hafa lengi þótt herskáir og sýnt af sér mjög mikla óbilgirni.

Lykillinn að betri fjárhag Bandaríkjanna er ekki að skera niður heilbrigðisþjónustuna og efla einkavæðingu heldur að skera niður til hermála. Ríki á borð við Bandaríkin og Ísrael eyða langt um efni fram til hermála. Fremur ber að leita diplómatískra lausna fremur en að beita hervaldi eins og tíðkast hefur í allt of mörgum tilfellum.

Ljóst er að herför Rússa í Afganistan gróf hratt undan efnahag þeirra. Líkt er núna komið hjá Bandaríkjamönnum og Ísrael. Þar hafa harðlínumenn fengið að ráða allt of mikið og allt of lengi. Þegar menn á borð við Obama vill leita annara leiða, þá rísa öfgamennirnir upp milli handa og fóta og vilja setja Demókrötum úrslitakosti. Nú ætti Obama að taka af skarið og skera 25% niður til hermála en verja heilbrigðisþjónustuna. Með því gæti fljótlega mega sjá í land með skuldabaslið og taka fyrir óþarfa eyðslu og bruðl.

Þá er nauðsynlegt fyrir Bandaríkjamenn að auka meir skattlagningu á eyðslu eins og t.d. á eldsneyti. Nú er bensínlítinn verðlagður innan við einn bandarískan dal vestra eða minna en íslenska ríkið skattleggur bensínlítrann hérlendis. Aðeins þetta atriði myndi geta fært ríkissjóði Bandaríkjanna auknar tekjur og stuðla að betri nýtingu eldsneytis og jafnframt draga úr mengun.

Eitt lykilatriðið hjá okkur Íslendingum að koma okkur út úr verstu hremmingum bankahrunsins var að þáverandi ríkisstjórn bar þá gæfu að finna skynsamlega leið út úr ógöngunum sem ríkisstjórn braskaranna kom okkur í. Þá hjálpaði mikið herleysið enda er fátt í opinberum rekstri sem er jafndýrt og þungt í vöfum og herrekstur.

Góðar stundir. 

 

Lögin samþykkt og staðfest

Hvers vegna vítisengillinn fær gjafsókn?

Þó svo að mál þetta hafi verið undir yfirskyni mannréttinda þá er mér með öllu óskiljanlegt að þessi maður sem tengist félagi sem hefur ofbeldi og ofríki á stefnuskrá sinni hafi fengið gjafsókn.

Gjafsókn á aðeins að veita þegar um er að ræða prinsípp mannréttindamál og þegar um efnaminni borgara er að ræða. Í þessu tilfelli hefði vítisengillinn getað sjálfur innt af hendi málskostnað af málaferlunum sem mér finnst kröfurnar vera ansi klénar. 

Máttu vísa Vítisengli úr landi

Mikilsverð hvatning

Jón Gnarr á allt gott skilið. Hann hefur sýnt í verki að hann gegnir þessu starfi með einstakri prýði. Hann hefur gefið gömlum gildum og hefðum langt nef og með því hefur hann gert Sjálfstæðisflokkinn nánast skák og mát. Sem dæmi um það þá tók einn af núverandi borgarfulltrúm Sjálfstæðisflokksins til og hóf nám í Bretlandi sem gárungarnir töldu að hann væri að læra að verða borgarstjóri Reykvíkinga. Nú hefur sá hinn sami ákveðið að söðla um, vill yfirgefa pólitíska þrasið á þessum vettvangi og hefur verið ráðinn á ríkisfjölmiðil án auglýsingar!!! Dæmigert hvernig kerfiskallahugsunin er enn dæmigerð og ríkjandi þar sem Sjálfstæðisflokkurinn kemur nærri ákvörðunum.

Lof og hvatnig Yoko Ono er Jóni Gnarr mikilsverð. Fyrrum var sagt að viðurkenningin komi að utan. Nú hefur sagan endurtekið sig. Megi lýðræðið fá að þróast og þroskast áfram undir stjórn Jóns Gnarr!

Yoko hvetur Jón til að halda áfram