Tindur eða toppur?

Af hverju er orðið toppur að tröllríða hvar sem litið er í rituðu sem mæltu máli? Talað er um topp á bíl þegar átt er við þakið og eins er toppur nefndur þegar átt er við fjallstind.

Á sama hátt er virið að keyra bæði bíla og tölvuforrit. Af hverju er bílum ekki lengur ekið? Svo virðist að sögnin að aka sé að gleymast. Kannski að margir séu hræddir að kunna ekki lengur að beygja sterkar sagnir.

Mér finnst fyllsta ástæða til að við vöndum okkur betur í málinu og ígrundum vel og vandlega hvort annað orð sé ekki jafnvel heppilegra. Notum fajllstind í stað fjallstopp og bílþak í stað topps þar sem það á betur við.

Íslenskan er lifandi mál sem við verðum að halda vel við.

Mosi

Á fjórða hundrað manns gekk á Esju í gærkvöldi

Góður kostur

Þetta mál er mjög athyglisvert og þarfnast nánari skoðunar hvort áhugi sé fyrir að koma þessu í kring. Auðvitað eru þessi tölvustarfsemi mun betri og áhugaverðari en áliðnaðurinn enda þykir mörgum nóg komið í þeim efnum. Hvað ef álverð hrapar íður úr öllu valdi vegna minnkandi eftirspurnar? Nú fer álframleiðslan aðeins um 1% í að smíða flugvélar! Verulegur hluti af framleiðslu Alkóa fer í hergagnaiðnaðinn. Jarðsprengjur eru t.d. að miklu leyti ftramleiddar úr áli. Hvað skyldu margir vita það? Og klasasprengjur og flísasprengjur og annað slíkt - hvað skyldi mikið af ársframleiðslunni fara í slíkan óhugnað?

Mosi

Kostnaður við orku til netþjónabús 20-30% lægri hér en í samkeppnislöndum

Stoppum landeyðinguna

Auðvitað væri unnt að gera heilmikið til að draga úr þessum ósköpum. Nú eru landsmenn að leggja á sig töluverðar kvaðir með því að taka þátt í Kolviði sem er að slá í gegn um þessar mundir.

En hver er þáttur stóriðjunnar? Fram að þessu verður hann að teljast mjög rýr, nánast enginn. Ef lagður væri á umhverfisskattur eins og víða er gert um víða veröld væri unnt að stórefla baráttuna gegn gróðureyðingunni. Við þurfum að leggja meiri áherslu á að byggja upp fleiri stoðir undir atvinnulífið, efling gróðurs er einn þátturinn í því að gera landið byggilegra. Og aldrei má gleyma blessaðri lúpíunni sem hefur reynst óvenjulega góður ásamt strandbygginu sem liðsmaður að hefta sandfok. Svo þarf að auka skjólbelti og einnig skógrækt.

Mosi

 

Moldrokið á Suðurlandi sést utan úr geimnum

Er kvótabrask með mengunarkvóta í uppsiglingu?

Spurning er hvort þessi mikli áhugi álfyrirtækjanna fyrir að auka starfsemi sina hérlendis sé ekki tengd því hve íslensk stjórnmvöld eru kærulaus gagnvart lagaumhverfi þeirra. Þegar flestar þjóðir eru að taka upp umhverfisgjald víðast hvar og þá eru álfyrirtæki ekki undanskilin.

Landsmenn vilja flestir kolefnisjafna bílana sína og leggja sjálfviljugir á sig sérstakan skatt í því skyni. Álfyrirtækinn menga tiltölulega mest á Íslandi og nú er spurning hvort kvótabrask með mengunarkvóta sé í uppsiglingu, gjafakvóti sem þessi fyrirtæki gjalda ekkert fyrir?

Mosi

Fulltrúar Alcan áttu fund með iðnaðarráðherra

Rétt viðbrögð

Einkennilegt er að ýmsir stundi þann hættulega leik að aka hraðar og jafnvel stunda ofsaakstur. Viðbrögð sýslumannsins á Selfossi eru til fyrirmyndir að taka hart á þessum varhugaverðu agabrotum í umferðinni. Þessi samgöngutæki breytast í drápstæki í höndunum á óvitunum þegar þeir týna sjálfum sér í algleymi æsingsins.

Óskandi er að lögreglan nái sem flestum ökuföntum, helst öllum. Alvarlegustu slysin og þau afdrifaríkustu eru vegna hraðaksturs sem þarf að koma í veg fyrir.

Mosi alias 

Vörubílar ekki teknir

Loksins loksins

Loksins loksins kemur e-ð frá fyrrum samgönguráðherra en núverandi þingforseta sem vekur virkilega athygli á samfélaginu. Allir landsmenn hafa haft efasemdir um kvótakerfið, misjafnlega þó. Gallar þess eru bæði margir og þeir eru augljósir. Ein skuggalegasta hliðin er brottkastið sem er siðferðislega séð hrikaleg aðferð til að leyna hvað raunverulega veiðist.

Sóknardagakerfið var á sínum tíma ekki draumalausn Framsóknarflokksins. Með því átti að koma með til hafnar allan veiddan afla. En ekki var unnt að braska með því fyrirkomulagi og gera að grundvelli auðsöfnunar, því var af þeim ástæðum hafnað á sínum tíma.

Óskandi er að fleiri þingmenn setji fram gagnrýni á þessu umdeilda kvótakerfi sem virðist ekki hafa skilað þeim árangri sem upphaflega var að stefnt.

Var kannski tilgangur þess brask og auðsöfnun?

Mosi - alias 

Sturla: Kvótakerfið hefur mistekist

Mjög umdeilt og grunsamlegt

Þessar niðurstöður eru mjög grunsamlegar svo ekki sé meira sagt. Grein Sigurðar G. Guðjónssonar í Morgunblaðinu í dag er vægast sagt á við mjög skelfilega hrollvekju.

En meira má minnast á í þessu sambandi:

Þegar SÍS lagði upp laupana á sínum tíma var tapið gríðarlegt. Hinsvegar var Framsóknarflokkurinn víða með allt sitt á þurru - víða hefur komið upp gríðarlegar eignir þrátt fyrir hrikalegar skuldir og gjaldþrot sem allt virðist vera eins og allt hafi verið í góðu lagi eftir allt saman. Og víða sprettur upp gróðalindir af sjálfu sér - kannski eins og kartöflurnar núna og í þágu þungaviktarmanna innan Framsóknarflokksins!!!

Samskip, Exista, Kaupþing, VÍS og núna þessi 30 milljarða hít. Hvað verður næst?

Er ekki fyllsta ástæða til að óska eftir opinberri rannsókn á þessum fjármagnstenglsum?

Fyrir ári keypti Kaupþing út flesta litlu hluthafana í HBGranda á hæsta gengi sem þekkst hefur og undir lokin átti Kaupþing banki 33% í þessu stærsta útgerðarfyrirtæki landsins!!!! Eftir aðalfund í Kaupþingi s.l. marsmánuðu og áðrur en aðalfundur í HBGranda var haldinn var Ólafi Ólafssyni forstjóra Samskipa afhentur þessi 33% hlutur í HBGranda. Hinsvegar fær hinn almenni íslenski hluthafi í þessu gróðamikla fyrirtæki Kaupþingi aðeins lús í hönd þrátt fyrir að þessi stassjón róti saman milli 80 og 90 milljarða gróða á síðasta ári!!!

Framsóknarflokkurinn sér greinilega um sína - Hvað verður næst?

Við eigum kröfu á skýringu á þessu óvenjulega gróðabralli!! Og ef ekki þá opinbera rannsókn - takk fyrir!! 

Mosi - alias 

 

 

 

Eignarhaldsfélaginu Samvinnutryggingar slitið - eigið fé 30 milljarðar

Umdeild ákvörðun

Að Íslendingarsæki um að fá sæti í Öryggisráði Sameinuðu þjóðanna er mjög umdeilt.

Ekki er ljóst að afstaða Íslendinga verði mikið frábrugðin stefnu BNA sem stendur í ýmsum umdeildum hernaðaraðgerðum um þessar mundir. Séð verður fyrir því að íslenski fulltrúinn aðhafist ekkert annað en það sem BNA væntir að dvergríkið gerir.

Þá er mjög umtalsmikill kostnaður sem fylgir þessari hugmynd. Nú eigum við fullt í fangi við að reka heilbrigðisþjónustu og menntakerfi á Íslandi svo dæmi sé nefnt. Og víða er pottur brotinn í þeim efnum eins og margsinnis hefur komið fram.

Þeir miklu fjármunir sem bundnir verða Öryggisráði  Sameinuðu þjóðanna væri mun betur varið að treysta innviði íslensks samfélags. Við eigum að leyfa stórbokkunum meðal þjóðanna að sjá um öryggisráðið enda er þar fjallað um mjög erfið deilumál sem tengjast hernaðarbrölti sem við höfum ekkert vit á.

Mosi 

 

Nicholas Burns fagnar framboði Íslands