Minnir á hlutverkaleiki barna

Í mínu ungdæmi var töluvert um að börn færu í alls konar hlutverkaleiki. Við hermdum sitthvað sem við heyrðum fullorðna fólkið vera að gera og þega við gátum lesið blöð og bækur ímynduðum við kkur stundum að vera í öðrum hlutverkum. Það voru jafnvel heilu leiritin búin til með litlum fyrirvara og síðan var hoppað og skoppað út um víðan völl.

Utanfarir núverandi ráðamanna eru áberandi miklar. Það er eins og þeir séu meira og minna veruleikafirrtir og leysa hvorn annan af bæði seint og snemma. Og nú þessa dagana sitjum við landslýður uppi með hvorki fleiri né færri en 3 forsætisráðherra og enn fleiri handhafa forsetavalds. Nú geta þeir tekið upp sama siðinn og Davíð Oddsson þegar hann náðaði Árna Johnsen meðan Ólafur Ragnar skrapp út fyrir landið, hvert man eg ekki en nógu langt var það að þegar Ólafur Ragnar kom til baka var búið að náða Árna og hann orðinn hvítþveginn af öllum vafasömum tilburðum og verknuðum.

Eitthvað munu öll þessi hlutverkaskipti kosta skattborgara landsins. 

Athygli vekur að Sigmundur Davíð Oddsson lætur Gunnar „Kakastan“ utanríkisráðherra sinn ekki leysa sig af. Gömul venja í goggunarröð ráðherra er að utanríkisráðherra gangi forsætisráðherra næstur að tign enda er litið svo á að viðurkenning annara þjóða gangi gegnum Utanríkisráðuneyti hvers sjálfstæðs lands. Síðan eru ýmist fjármálaráðherra eða einhver annar en innanríkisráðherra annað hvort þá á eftir eða undan þeim sem heldur höndum um gullið.

Eigi leika börn áþekka leiki sín á milli nú eins og fyrrum. Þau sækja sér fyrirmyndir sjálfsagt í sitthvað annað, dægradvöl sem þeim stendur nærri fremur en grútleiðinlegasta starf sem unnt er að hugsa sér í dag, að vera ráðherra, sérstaklega forsætisráðherra, nema valdagleðin sé þá þess meiri.

Góðar stundir! 

Gegna störfum forsætisráðherra

Þjóðargjöf Sigmundar Davíðs?

Hvað er þessi svonefndi forsætisráðherra að þvæla? Þjóðargjöf íslendinga? Tilefnið öld frá endurkomu konungsríki sem varð fyrir heilum 8 árum?

Þetta er nú meiri þvættingurinn og í stíl við flest sem þessi ævintýramaður íslenskra stjórnmála kemur nærri.

Í það fyrsta: Var íslenska þjóðin sammála því að heilum 8 árum eftir gefið tilefni tæki íslenskur ævintýramaður sig upp og gæfi nokkrar skruddur erlendum aðila? Kannski það hefði verið viðkunnanlegra að bera þessa ákvörðun undir þjóðina og leiðrétta tilefnið: 108 ár en ekki 100 ár eftir uppvakningu konungsdóms í Noregi.  

Það mun ekki líða á löngu að flestir Íslendingar muni vera búnir að fá sig fullsadda af uppátækjum þessa manns.

Afhenti Norðmönnum þjóðargjöf

Gúrkutíð?

Frétt um að einhver prins úti í heimi hafi brotið á sér einhverja tána finnst mér bera vitni um að lítið markvert sé að gerast í fjölmiðlum. Er ekki sitthvað mikilsverðara að fjalla um en þetta smámál? 

Nú er fjallað um meint dýraníð á Íslandi og það er grafalvarlegt mál. Hvers vegna ekki að fjalla meira um það en brotnu tána breska prinsins?

Nú nýtur breski prinsinn sennilega betri þjónustu en lamaða heilbrigðiskerfið á Íslandi veitir Íslendingum en það hefur verið fjársvelt árum ef ekki áratugum saman. 

 

Harry prins tábrotnaði

Bæði nöfnin eru rétt

Þegar lesið er rit Guðlaugs R. Guðmundssonar sagnfræðings og fyrrum kennara: „Örnefni og leiðir í landi Garðabæjar“ (Safn til sögu Garðabæjar, 3ja bindi) má sjá að bæði nöfnin eru rétt.

„Garðahraun liggur vestan markalínunnar milli Hafnarfjarðar og Garðabæjar, milli Balakletta og Engidals. Allt Hafnarfjarðarhraun hét upphaflega Garðahraun“ bls.91.

„Gálgahraun er fremsti hlutinn af hrauninu norðvestan við Álftanesveg. Þar lá vegurinn til Bessastaða allt fram á nítjándu öld“ bls.96.

Þannig að allir mega vel við una hvort sem þeir sem vilja friða hraunið eða halda áfram eyðileggingu þess. 

Gálgahraun eða Garðahraun?

Vertíð björgunarsveita

Nú sýna margir af sér mannalæti og halda á heiðar og fjöll til að skjóta rjúpur. Áður fyrr voru rjúpur jólamatur fátæklinga sem ekki gátu leyft sér lambakjöt eða sauðakjöt um jólin. Ótrúlega margir bændur á Íslandi átti ekki svo mikinn bústofn að þeir gætu leyft sér einhvern munað.

Afkoma bænda var fyrrum ákaflega bágborin. Sr. Þorkell Bjarnason á Reynivöllum í Kjós lýsir afkomu bænda í Kjós 1885. Á einum bæ voru 3 kýr, 17 ær og 9 gemlingar. Á bænum voru 8 manns í heimili og af þessu varð fólkið að lifa. Aðrir bændur í sókninni höfðu það ekki betra. Ætli þetta hafi ekki verið víðar um land áþekk lífsskilyrði? Um þetta má lesa t.d. í Lesbók Morgunblaðsins 1958, bls.455.

Nú eru veiðimenn yfirleitt vel útbúnir og þokkalega líkamlega á sig komnir. Töluverður kostnaður fyrir veiðimennsku en eitt þarf að reikna með: Björgunarsveitir hafa ekki enn sem komið er, sett upp taxta vegna aðstoðar og björgunar. Þetta er ámælisvert enda víða um lönd sem ekki þekkist annað en að björgunarsveitir rukki fyrir þjónustu sína, a.m.k. einhverju leyti. Þá er möguleiki á að tryggja sig og þá er það tryggingarfélaganna að setja viðskiptavinum sínum skilmála.

Ef sá sem fer á hálendið, tölum ekki vanbúinn og þarf hugsanlega á aðstoð að halda, fer að öllum líkindum ekki vanbúinn og illa undirbúinn.

En með rjæupnaveiðitímanum hefst umdeild vertíð björgunarsveitanna. Sennilega eru ekki allir atvinnurekendur landsins sáttir við að missa kannski 10% af mannskapnum vegna björgunarstarfa glæfralegra samborgara. Atvinnurekendur hafa sýnt mikinn skilning, en dregur hann kannski þann dilk á eftir sér að minna verður úr möguleika að hækka launin?

 

Rjúpnaskyttur halda til fjalla

Vísbendingar eða fullgildar sannanir?meira og minna

Ekki kemur fram hvort hleranir á símum þjóðarleiðtoga hafi verið sannaðar en vísbendingar eru um það.

Ljóst er að njósnir hinna ýmsu leyniþjónusta eru umfangsríkar og á þeim bæjum kunna menn sér kannski ekki hóf. En með tölvutækninni mun vera unnt að komast tæknilega að ótrúlegum upplýsingum.

Þannig má rekja upplýsingar sem lekið hafa úr gagnagrunnum gegnum þann aðila sem hefur möguleika að afla sér upplýsinga úr gagnagrunni sem almennt ber að fara leynilega með. Dæmi um slíkt eru upplýsingar á heilbrigðissviði og löggæslu. Þar er t.d. unnt að rekja og skoða hverjir hafa leitað að og sótt upplýsingar sem aðeins völdum aðilum er veittur aðgangur að.

Varðandi hleranir á símum er að öllum líkindum erfiðara að rekja og sömuleiðis netpóstar (e-mail) en þau kerfi eru sögð meira og minna galopin og þeir sem skoða, skilja ekki alltaf slóð eftir sig sem unnt er að rekja síðar.

Annars er þessi tölvuheimur alveg ótrúlegur. Það kom berlega í ljós t.d. hvernig braskaralýðurinn gat búið sér til gríðarlegan auð úr nánast engu í aðdraganda hrunsins en látið aðra borga brúsann og taka afleiðingunum. 

Hleruðu 35 þjóðarleiðtoga

Er nýr Álftanesvegur gróðabrall?

Í DV í dag er greint frá nýrri hlið deilunnar um vegagerðina í Gálgahrauni: „Engeyingar stórgræða á nýjum Álftanesvegi: fjölskylda fjármálaráðherrans á land sem liggur að vegi um Gálgahraun“.

Ef rétt reynist þá er skiljanlegur allur hasarinn sem fylgt hefur þessari deilu og það ofurkapp sem lagt hefur verið í að framkvæma fyrst og spyrja síðar hvort rétt hefði verið að leggja út í þessa framkvæmd.

Stjórnvöld hafa hagað sér eins og staurblint aufturhald. Reynt er að brjóta niður alla mótspyrnu með hörðu án þess að minnsta tillit sé tekið til annarra hagsmuna. Mannréttindi jafnvel brotin og Íslandi þokað í átt til fasisma.

Sjálfsagt munu miklar umræður hefjast í kjölfar þessarar deilu um hraunið. Nú hefur það verið stórskemmt af einbeittum ásetningi með að vegurinn skuli lagður hversu mikil skynsemi kann að vera í því.

Og sjálfsagt munu vindar gnauða um Garðabæinn í allan vetur og ýmsum þótt nóg af því góða. En hvernig þetta gróðabrall fer skal ósagt látið.

Sumir eru tilbúnir að selja ömmu sína ef þeir mega græða. 

Eiga von á bótakröfu vegna tafa

Nýting skattfjár

Hanna Birna sú sama og sigaði lögreglunni á friðsama mótmælendur og lét handtaka Ómar Ragnarsson og fleiri, ber fyrir sig einkennileg rök: Að yfirvöldum beri að nýta skattféð sem best! Vísar hún þar í vegagerð um Gálgahraun. Er ráðherran með öllum mjalla?

Auðvitað ber stjórnmálamönnum að nýta skattféð sem best en eitthvað hefur Hanna Birna ruglast í ríminu hvað forgangsröð í samfélaginu varðar: Er mikilvægara að tryggja verktaka verkefni fremur en að reka Landspítalann með nauðsynlegum fjárframlögum? Nú eru margir landar við dauðans dyr og binda vonir sínar við að rekstur Landspítalns verði betur tryggður. Tækjabúnaður er úreltur okki fást nauðsynlegir varahlutir nema eftir dúk og disk. 

Hanna Birna virðist gjörsamlega veruleikafirrt. Hún er innanríkisráðherra sérhagsmuna og ætti að leita sér aðstoðar að finna sér stað í samfélaginu þar sem skynsemin og réttætið er meira metið en í hinu afar þröngsýna Innanríkisráðuneyti. 

Þeir tveir milljarðar sem verktakinn vill fá fyrir verkefni sitt væri betur nýttur til að bæta tækjakost Landspítalans sem og að efla þjónustu sem spítala þessum er ætlað að þjóna. 

„Hvar er ráðherra?“

Réttlæti en ekki fasisma

Ákvörðun Hönnu Birnu um að beita lögreglu gegn mótmælum í Gálgahrauni er eins og skvett sé úr pólitískri hlandfötu framan í friðsamt fólk sem er á öðru máli en hún. Þessi ákvörðun jaðrar við að vera á sömu nótum og þegar einræðisherrar misnota póilitískt vald sitt og brjóta niður andstæðinga sína. 

Hanna Birna er talsmaður aukinna árásarmeðala lögreglunnar m.a. að lögreglan fái rafbyssur. Það verður aukin harka ef mótmæli gegn misnotkun pólitísks valds á Íslandi heldur áfram.

Það er ótrúlegt að enginn innan ráðuneytisins hafi tekist að koma vitinu fyrir ráðherrann. Eru lögfræðingar Innanríkisráðuneytisins skammsýnir þursar, kannski 3ja eða 4ða flokks lögfræðingar sem ekki er treyst til annarra verka annars staðar? Ákvörðun Hönnu Birnu byggist á ákaflega lélegri lögfræði enda engin rök fyrir því að halda áfram á þeirri braut eins og Hanna Birna vill. Hún vill einstefnu í þágu hagsmuna verktaka en vill ekki hlusta á rök og réttindi gagnaðila sinna.

Nú er deila þessi fyrir dómstólum.Svo gæti farið að Garðabær, Vegagerðin og önnur stjórnvöld sem og verktaki tapi málinu en þá er búið að eyðileggja þau verðmæti sem Gálgahraunið er. Hvernig hafa þessir aðilar hugsað sér að bæta fyrir allt það tjón sem hefur verið valdið með vísvitandi vitund og með einbeittum ásetningi? Það er ekki hugsað að hugsanlegum afleiðingum séu dómstólir ekki hallir undir yfirvöld. En vel kann að vera að dómstólar séu undir þrýstingi að komast að niðurstöðu sem er þessum sömu yfirvöldum ásættanleg. Það eru dæmi um að mútum sé beitt erlendis á áþekkum tilfellum en helst vil eg í ítrustu lög ekki trúa að dómstólar sýni ósjálfstæði sitt.

Þetta Gálgahraunsmál er að mínu viti prófsteinn á það hvort Ísland teljist til réttarríkis. Eins og  ú er í pottinn búið er eg fremur svartsýnn.

Við þurfum að mótmæla áfram þessum fasisma sem okkur höfum verið sýnd!

Mótmælendur sungu ættjarðarsöngva

Á lögreglunni að vera stjórnað af stjórnmálamönnum?

Umdeildar ákvarðanir teknar af stjórnmálamönnum eru sjaldnast sérlega lýðræðislegar. Að knýja í gegn framkvæmdum sem ekki styðjast við meirihluta þjóðarinnar minna óneitanlega á valdboð einræðisherra fyrri tíma.

Hanna Birna hefur sýnt af sér þá umdeildu djörfung að taka yfir alla stjórn lögreglunnar á höfuðborgarsvæðinu til að handtaka mótmælendur. Þessi ákvörðun er vægast sagt mjög umdeild og nýtur hvergi stuðnings í lýðfrjálsu landi. Þessi ákvörðun hefur það í för með sér að lögreglunni sé stjórnað í þágu stórnmálaafla og er þá ekki ansi stutt í fasismann?

„Með lögum skal land byggja en ólögum eyða“ eru einkunnarorð lögreglunnar. Nú er verið að siga lögreglunni tugum sama að skipun innanríkisráðherra á fámenna friðsama sveit mótmælenda til að framfylgja ákvörðunum byggðum á ólögum. 

Mætum sem flest við Innanríkisráðuneytið í hádeginu og mótmælum þeim vísi að fasisma sem nú er að vaða uppi í samfélaginu í boði Sjálfstæðísflokksins og Framsóknarflokksins! 

Mótmælendur bornir af svæðinu