Góð og gild sjónarmið

Útreikningar og forsendur geta verið mismunandi. Eg tel að treysta megi Vilhjálmi fyllilega að frara með rétt mál.

Það sem hins vegar ruglar allt eru þessi gríðarlegu lán upp úr byrjun aldarinnar og fram að bankahruninu. Þessi lán voru yfirleitt fengin að láni í formi skammtímalána á lágum vöxtum og endurlánuð með lengri og hærri vöxtum. Það eru einmitt þessi lán sem hækkuðu einna mest.

Ef skuldari stendur í skilum þá er honum borgið því launakjör munu væntanlega elta dýrtíðina að mestu leyti og gott ef ekki betur þegar til lengri tíma er litið.

Vilhjálmur er einn örfárra frambjóðenda Sjálfstæðisflokksins sem átta sig á þessu.

Góðar stundir. 

Óþarfi að setja heilt samfélag á hvolf

Konungur lýðskrumaranna

Ekki er ólíklegt að þessum gamalkunna lýðskrumara takist ætlunarverk sitt. Verst er hvernig þessum manni tekst að heilla allt of marga jafnvel mann eins og Davíð Oddsson sem sá vart sólina fyrir þessum afglapa.

Dabbi naut gistivináttu Silvio haustið 2002 og í framhaldi varð martröðin um Kárahnjúkavirkjun sem endaði í bankahruninu.

Berlusconi boðar skattaendurgreiðslur

Dæmigerð afstaða framsóknarþingmanns

Ljóst er að bæði Framsóknarflokkur og Sjálfstæðisflokkur hafa viljað sjá framlagða vantrausttillögu á ríkisstjórnina en ekki treyst sér sjálfir. Loksins þegar annar maður er búinn að missa þolinmæðina og kannski týna skynseminni og sannfæringunni, hlaupa þessir karlar og kerlingar Framsóknarflokks og Sjálfstæðisflokks og taka þessari tillögu fagnandi. En hvernig hyggjast Framsóknarflokkur og Sjálfstæðisflokkur hygla þingmanni þessum ef svo fer að tillagan verði samþykkt? Var kannski búið að semja um það?

Fyrir Framsóknarflokkinn og Sjálfstæðisflokkinn gildir einu hvernig unnið er í pólitík. Aðalatriðið er að komast aftur til valda og endurnýja helmingaskiptastjórn Framsóknarflokks og Sjálfstæðisflokks. Þá verður ekkert stopp á einkavæðingu, frjálshyggju og braski!

Valdabaráttan er alfa og omega Framsóknarflokksins og Sjálfstæðisflokksins, þar skipta almannahagsmunir engu.

Af ávöxtunum skulum við þekkja þá! 

Munu aldrei verja stjórnina

Oft veltur lítil þúfa þungu hlassi

Þór Saari vildi sjá nýja stjórnarskrá. Ljóst er að mikil vinna er að baki en nokkur tæknileg atriði koma í veg fyrir að unnt sé að samþykkja stjórnarskrárfrumvarpið eins og það er. Viðræður eru í gangi að samþykkja að taka út gær greinar og jafnvel kafla sem óvissa og ágreiningur er um en samþykkja frumvarpið að öðru leyti.

Greinilegt er að Þór Saari er að missa þolinmæðina. Í örvæntingu sinni leggur hann fram þessa vanhugsuðu tillögu sem bæði Framsóknarflokkur og Sjálfstæðisflokkur hefðu öll síðustu 4 ár viljað styðja en treystu sér ekki sjálfir að leggja fram enda er hugmyndafræði beggja þessara flokka mergsogin af spillingu fortíðarinnar.

Ef tillaga Þórs Saari verður samþykkt er ljóst að engin ný stjórnarskrá er í augnsýn í bráð. Óhætt má því segja að oft velti lítil þúfa þungu hlassi.

Spurning er hversu  Framsóknarflokkurinn og Sjálfstæðisflokkurinn launi litlu þúfunni ef tekst að koma í veg fyrir samþykkt nýrrar stjórnarskrár. Framsóknarflokkur og þó einkum Sjálfstæðisflokkurinn hefur talið það einkamál sitt að endurskoða stjórnarskrána.

Óskandi er að annaðhvort verði þessi tillögu afturkölluð af flytenda hennar eða hún kolfelld enda engin rök fyrir að leggja fram vantraust þegar rétt rúmlega 2 mánuðir eru til kosninga.

Hugmynd Þórs Saari um starfsstjórn allra þingflokka er mjög óraunhæf og spurning hvort hann sé með öllum mjalla. Jafnvel þeim bjartsýnasta myndi ekki láta sér detta annað eins í hug.

Góðar stundir!

Vantrauststillaga lögð fram

Spor í rétta átt

Frumvarpið um ný náttúruverndarlög hafa margt gott og meira að segja frábært nýtt fram að færa. Þó er víða tekin of stutt skref. Þannig er um umferð vélknúinna farartækja á vötum landsins ekki nógu vel orðuð ákvæði þar sem vélknúin umferð er leyfð nokkra tíma yfir hádaginn. Eiginlega hefði þurft að kveða nánar um hve kraftmiklar vélar mættu vera um borð, hverrar gerðar, afl og hraði sem og takmörk vegna hávaða (desibil). Sjálfur hefi eg horft upp á margt misjafnt á Skorradalsvatni sem er dæmigert stöðuvatn þar sem frístundasport er töluvert stundað. Satt best að segja verður að miða náttúruvernd við fuglalíf m.a  og þarna nær ekki nokkurri átt að vera með stóra báta með vélum sem eiginlega er ætlað til úthafssiglinga!

Þarna mætti hafa til hliðsjónar reynsla bænda af Mývatni en þar væri óhugsandi að einhver kæmi með bát með vélum með kannski yfir 50 hestöflum og setti allt vatnið í gíslingu. Þetta hefur því miður gerst bæði á Skorradalsvatni og Þingvallavatni.

Góðar stundir!

Landvernd fagnar frumvarpi

Steingrímur hefur skilað góðu starfi

Það var ekkert sældarbrauð að reisa efnahag Íslendinga úr rústum. Allan tímann mátti ríkisstjórnin og ekki síst Steingrímur sitja uppi með óvægar og ósanngjarnir skammir og ávirðingar. En hann er gamall íþróttamaður sem ekki lætur deigan síga, vill ekki gefast upp þrátt fyrir að vera í mótvindi nánast hvern einasta dag síðastliðin 4 ár!

Við Íslendingar ættum að standa í þakkarskuld við Steingrím og Jóhönnu að leiða okkur út úr ógöngunum og koma „Þjóðarskútunni“ á kyrrari sjó. En það stríðir gegn pólitískri skoðun andstæðinga: Rétt skal vera rangt hvað sem öllu líður og þessari ríkisstjórn fundið allt til foráttu sem hæun á tæplega skilið.

Steingrímur játaði einhverju sinni að ríkisstjórnin hefði gert ýmsar alvarlegar skyssur. Kannski eftir á að hyggja hafi ákvörðunin um Icesave verið sú stærsta en það var nú svo að Íslendingar voru bundnir af fyrsta samkomulaginu sem Geir Haarde stjórnin gerði við Breta 11.10.2008. Og að koma þessum málum á hreint var lykilatriði að fá einhverja aðstoð erlendis frá til að bjarga okkur út úr þessari klípu.

Eg tel að Icesave hafi ekki verið stærsta málið í þessu sambandi. Þegar mátti sjá á sínum tíma að borð var fyrir báru og að útistandandi skuldir þrotabús Landsbankans skiluðu sér.

Stærsta skyssan var Magma málið. Því var ýtt út af borðinu, Alþingi og ríkisstjórnin guggnaði á því að koma í veg fyrir að erlendur braskari eignaðist hér ítök sem kunna að leyfa óheftan aðgang að náttúruauðlindum á Reykjanesskaganum og eyðileggja þær á tiltölulega stuttum tíma með rányrkju.

Miklir fjármunir töpuðust, mikið af sparifé almennings í formi hlutafjár í fyrirtækjum eins og Atorku sem varð leiksoppur í braski hrunmanna. Það er mjög dæmigert að stjórnarandstaðan hefur ekki minnst aukateknu orði á þessi Magma braskmál, þegir þunnu hljóði enda ekki ósennilegt að hún njóti að einhverju leyti þess að ekki var komið í veg fyrir kaup erlenda braskarans á HS orku.

Geysir green energy var að öllum líkindum gervihlutafélag byggt á loftköstulum og að vera n.k. „brú“ fyrir erlenda fjárfestingu bakdyramegin í íslensku efnahagslífi á kostnað lífeyrissjóða og annarra hluthafa Atorku. Því miður ákvað stjórn Atorku að afhenda kröfuhöfum fyrirtækið og þar með var möguleiki að láta opinbera rannsókn fara fram útilokaður.

Svona er gerist braskið á „Eyrinni“. Framsóknarflokkurinn og Sjálfstæðísflokkurinn þegja um það sem þeir vilja ekki láta bera á.

Eg vil þakka Steingrími fyrir óeigingjörn störf í þágu okkar allra. Hann á þakklæti skilið fyrir að standa vel vaktina þó svo að við hefðum getað gert dálítið betur, eins og í þessu vandræða Magma-máli.

Góðar stundir!

Endurnýjun í forystu Vinstri grænna

Skiljanlegt - ómerkilegt áróðursbragð?

Þetta punktasöfnunarkerfi Icelandair er eins og „sósilalismi andskotsans“. Venjulegt fólk fær enga punkta skráða en þeir sem fljúga á annarra kostnað á Saga klass moka inn þessum safnpunktum.

Hef aldrei botnað í þessu kerfi, það hefur aldrei skilað sér svo mikið sem einasti punktur í mínar vörslur þau 10-20 ár sem eg hefi ferðast með Flugleiðum. Akkúrat ekki neitt. Mín vegna mætti leggja þetta áróðursbragð í rúst rétt eins og Cató hinn gamli krafðist í hverri einustu ræðu sinni í Öldungarráðinu í Róm um Karþagó. Honum varð að ósk sinni árið 146 f. Kr.

Hættir punktasamstarfi við Icelandair

Spennandi verkefni

Þessar vindmyllur eru spennandi viðbót við að beisla náttúruöflin á Íslandi. Nú var töluvert af vindmyllum víða um land þar sem vindurinn knúði litlar myllur til hagsbóta fyrir bændur og búalið. Var það vísirinn að rafvæðingu sveitanna sem tók nokkra áratugi. Jafnskjótt og rafmagnsöflun og dreifing var tryggð, lögðust þessar vindmyllur víðast hvar af.

Nú er að sjá hvernig þessar vindmyllur standa sig. Þær eru mun öflugri en sú sem reist var í Belgsholti í Melasveit í Borgarfjarðarsýslu og fauk og skemmdist. Nú er verið að koma henni aftur í gagnið og vonandi tekst betur til.

Góðar stundir.

Vindmyllur við Búrfell gangsettar

Njósnir erlendra aðila?

Þetta FBI mál er vægast sagt mjög einkennilegt. Fullyrt er að þeir hafi komið hingað til að bjóðast til að rannsaka hugsanlega meinta árás tölvuhakkara á tölvukerfi Stjórnarráðsins en tilgangurinn reynist vera fyrst og fremst að yfirheyra ungan mann sem e.t.v. tengist Wikileaks.

Fyrir rúmum 60 árum rannsakaði FBI meint undanskot Halldórs Laxness frá skattgreiðslum á Íslandi. Þessi skjöl sem tengjast útgáfu á Sjálfstæðu fólki í BNA rétt eftir stríð hafa aldrei verið gerð opinber. Ef þessi skjöl eru fremur saklaus, hvers vegna hafa fræðimenn ekki aðgang að þeim? Og sama má segja um ef efni þeirra séu e-ð alvarlegri. Getur verið að þessi rannsókn sé jafnvandræðaleg og nú kemur upp?

Ljóst er að íslensk yfirvöld vildu gjarnan að FBI kannaði umsvif Halldórs Laxness þar vestra.

Kannski að Wikileaks gæti haft upp á þessum skjölum með sínum samböndum?

Mér þykir Ögmundur ráðherra hafa tekið hárrétta ákvörðun í þessu máli. FBI á ekkert erindi hingað hvorki undir yfirskyni annars rannsóknarefnis.

Við verðum að sporna gegn hnýsni og njósnum erlendra aðila hvort sem þeir eru bandarískir, rússneskir, kínverskir eða af öðru þjóðerni. Það er mjög óeðlilegt að hér séu fjölmennar sendisveitir í einu fámennasta landi Evrópu!

Góðar stundir.

Óskýrt hverjir áttu að fylgjast með FBI

Léttúð með hættulega hluti

Hver ber ábyrgð á að geyma sprengjuefni við íbúðahús?

Léttúðin er oft mikil.

Sú saga er sögð af bónda í uppsveitum Borgarfjarðar sem kom að þýsku flugvélarflaki í senni heimsstyrjöldinni en flugvélin brotlenti á Arnarvatnsheiði. Fann hann skínandi fallega kúlu sem hann hafði með sér og kom fyrir á skáp í stofunni heima hjá sér í bænum. Sýndi hann stoltur öllum þeim sem komu að heimsækja hann. Einn góðan veðurdag kemur einn gestur og þegar hann sá kúluna, hvessti hann grafalvarlegum augum á bónda og kvað hann heppinn að hafa ekki sprengt bæinn en þetta væri sprengikúla sem gæti sprungið við minnsta hnjask!

Næstu nótt læddist bóndi með kúluna og fór út á brúna skammt ofan við Kljáfoss í Hvítá og varpaði henni eins langt út í ána og hann gat. Mun kúlan vera þar enn ef sagan sé rétt eftir höfð. Hvort kúlan sé enn heil eða hafi sprungið, veit sennilega enginn.

En sjálfsagt er að sýna fyllstu varkárni með hættulega hluti og fara nákvæmlega eftir reglum.

Sprengiefni geymt við íbúðarhús