Kæruleysi

Svona eldar kvikna ekki nema af kæruleysi.

Í dag var eg með 18 manna hóp Þjóðverja á Mývatni. Mér fannst alveg furðulegt að í Dimmuborgum nánar tiltekið innst í Hallarflöt eru tvo útigrill að því virðist í reiðuleysi. Hvaða skilaboð eru þetta til útlendinga? Er allt í lagi að grilla í Dimmuborgum þó svo að þetta sé friðað svæði?

Satt best að segja vildi eg ekki hugsa til enda ef eldur kæmi upp í Dimmuborgum. Mjög langt er að ná til vatns til að slökkva elda sem kveiktur er í einhverju kæruleysi, kannski einhver vilji notfæra sér þessi blikkgrill.

Umsjónarmenn Dimmuborga ættu að sjá til þess að láta þessi grill hverfa nú þegar áður en tjón hlýst af. Ekki má undir neinum kringumstæðum að hvetja til kæruleysislegrar umgengni við fagra staði.

Þá mætti Umhverfisstofnun sjá til þess að salerni við Leirhnjúk séu nothæf en þar koma útlendingar að lokuðum kofanum. Er þetta okkur Íslendingum til sóma?

Mosi

Skógareldur í Heiðmörk