Óþarfa bruðl

Aldrei hef eg skilið þetta gríðarlega bruðl sem tengist hernaðarumsvifum. Við Íslendingar höfum verið blessunarlega lausir við þetta og með öllu óskiljanlegt að unnt sé að fleygja tugum milljónum í svona dellu.

Hér er um beiskan arf frá hægristjórn Davíðs Oddssonar og Halldórs Ásgrímssonar sem fannst alveg sjálfsagt að taka ákvarðanir án þess að bera þær áður upp við einn eða neinn. Þessir herramenn lýstu yfir stuðningi við umdeilt stríð Bush og Blair gegn Írak sem því miður virðist ekki neinn enda vera að taka.

Hvað kostar að fá þetta umdeilda hernaðardrasl? Skattborgaranir á Íslandi eru blóðmjólkaðir vegna Icesave og við höfum ekkert efni á svona flottræfilshætti þó svo Davíð og Dóri hafi talið það á sínum tíma.

Herinn burt, hvort sem hann er amerískur, breskur, danskur, norskur, franskur eða þýskur. Það er sami hryllingurinn sem fylgir þessum stríðsvélum þó þær kunni að vera hálfgerðir forngripir.

Mosi

Þýsk flugsveit komin

Athugasemdir

[Haraldur Haraldsson, 1.6.2010 kl. 21:46]

þarna erum við sko sammála Mosi/Kveðja Halli gamli