Straumhvörf í stjórnmálum á Íslandi

Óhætt má segja að miklar væntingar fylgja nýrri stjórn. Stjórnendur Sjálfstæðisflokksins áttu erfitt með að gera sér grein fyrir hversu alvarlegt staðan er og lungann af árinu í fyrra var reynt með öllum ráðum að draga úr lýsingu á raunverulegu ástandi. Jafnvel hefur verið rætt um að blekkingum hafi jafnvel verið beitt til þess að þjóðin tryði að allt væri í góðu lagi með bankana okkar. Á meðan voru þeir nánast étnir að innan af marflóm Frjálshyggjunnar.

Nú er komin til valda minnihlutastjórnin Jóhanna. Við blasir gríðarlega erfið staða efnahagsmála. Bjarga þarf fjármálum þjóðarinnar, heimilanna og koma þarf atvinnulífinu í gang svo draga megi úr atvinnuleysi. Svipað hefur vart gerst síðan á Kreppuárunum.

Kynning þeirra Jóhönnu og Steingríms á erfiðum verkefnum næstu 80 daga var mjög traustsins verð. Bæði njóta þau mikils trausts og óskandi er að allt gangi að óskum. Við viljum nýtt Ísland, nýtt lýðveldi grundvallað á nýrri og nútímalegri stjórnarskrá sem treystir mannréttindi og lýðræði.

Mosi

Ísland er í sárum eftir nýfrjálshyggjuna

Athugasemdir

[Villi Asgeirsson, 2.2.2009 kl. 08:54]

80 dagar eru ekki langur tími. Ég vona að þau vinni fyrir þjóðina, ekki flokkinn. Og að fólk sjái sér fært að falla ekki fyrir skrumi D og B í vor.