Óskiljanlegt

Hvernig getur eitt fátækasta ríki heims verið með gríðarleg framlög til hermála? Og búið að koma sér upp varhugaverðum kjarnorkuvopnum sem ekki gerir annað en að espa nágrannanna upp í eflingu vígbúnaðar?

Hvaðan koma þessi vopn og hver skyldi græða á þessu öllu saman? Sölumenn dauðans eru á svipuðu siðferðisstigi og eiturlyfjasalar. Meginmarkmiðið er að græða himinháar fjárhæðir og fá greitt fyrir söluvarninginn hversu varhugaverður sem hann kann að vera.

Hvernig má breyta þessu og getum við gert eitthvað?

Jú: Eitt það mikilvægasta er að taka ekki þátt í hernaðarbröltinu og segja NEI þegar okkur er boðið að vera með.

Við höfum miklu meiri þörf fyrir þann mikla auð sem tengist hernaði og bröltinu kringum hann í annað þarflegra bæði í öllum heiminum sem og hjá okkur sjálfum.

Mosi

Indland sýnir herstyrk sinn

Athugasemdir

[Haraldur Haraldsson, 7.5.2008 kl. 11:32]

Hvað eru margir milljaramæringar þarna????svo og mjög fátækt fólk að meirihluta/Kveðja og kvitt /Halli gamli

[Jón Halldór Guðmundsson, 8.5.2008 kl. 01:24]

Það er þetta með varnarmál.  Tilgangur varnarsamstarfs er sá að þjóðir sem mynda varnarsamstarf eru samtals nægilega sterkar til að geta varið sig fyrir hugsanlegum sameiginlegum óvinum.

Þess vegna sparar þetta þeim það að geta hvert um sig varið sig.

Ekki satt? 

[Guðjón Sigþór Jensson, 8.5.2008 kl. 09:36]

Þetta er auðvitað gömul hundalógík rétt eins og þegar menn eru að girða kringum spildurnar sínar. Þar sem girðing er góð þar þarf ekki að girða betur og girðing grannans nýtist auðvitað hinum sem ella þyrftu að eyða stórfé í góða og vandaða girðingu.

En gegn hverjum er verið að verja sig á þennan rándýra hátt með því að fá erlendar herflugvélar? Það skil eg ekki og þessu fé væri betur varið í annað þarfara.

Mosi