Sturlungaöld?

Á myndbandi því sem fylgir fréttinni má í upphafi þess glögglega sjá mann lengst til vinstri  í dökkum jakka og ljósbláum buxum beygja sig niður og taka upp stein. Þá kastar hann steininum í átt til lögreglumannanna og greinilega sést hvar grjótið lendir í andliti lögreglumannsins.

Þetta er grafalvarlegt lögbrot og er hvergi liðið. Á Sturlungaöld var grjót óspart notað. Það er vopn þeirra sem ekki hugleiða um afleiðingar þess sem þeir eru að gera.

Hygginn maður ígrundar vel og vandlega hvað hann gerir best. Góð rök og skynsemi hefði verið betra og árangursríkara vopn en grjót þess sem lætur frumstæðar hvatir sínar ráða för.

Við skulum minnast þess að Gandhi lagði breska heimsveldið nánast að velli með friðsamlegum mótmælum. Hann vildi fremur ná árangri fremur en að valda öðrum ranglæti.

Mosi

Athugasemdir

[Jón Halldór Guðmundsson, 24.4.2008 kl. 01:25]

Tek undir hvert orð í þessari grein.

Mér finnst þetta sorgleg uppákoma og sennilega ræðst atburðarásin af ofsafengnum viðbrögðum beggja aðlia.