Of langt gengið

Sendiráð erlendra ríkja eru friðhelg. Ekki má ráðast á þau á neinn hátt og íraun eru þau hluti af viðkomandi ríki.

Að mótmæla er auðvitað í samræmi eftir heimildum stjórnarskrár um tjáningarfrelsi en um leið og friðsamleg mótmæli eru farin að snúast um e-ð sem er meiðand og niðurlægjani þá er of langt gengið.

Við eigum að sýna Kínverjum sem hér eru búsettir fulla virðingu og þeir í sendiráðinu eru aðeins að vinna sín störf. Með því að sýna þeim einhverja móðgun af einhverju tagi erum við að gefa tilefni til að okkar eigin sendiráð erlendis verði fyrir áþekkri meðferð sem enginn heilvita Íslendingur vill.

Sýnum þeim fyllstu virðingu þó við séum að öðru leiti ekki sammála þeim.

Mosi 

„Murderers" málað á kínverska sendiráðið

Athugasemdir

[Sigurður Árnason, 13.4.2008 kl. 17:36]

Algerlega sammála:)

[Eva (IP-tala skráð) 13.4.2008 kl. 18:00]

Það er náttúrulega sjálfsagt að sýna fólki sem stendur fyrir fjöldamorðum og pyndingum þá tillitssemi að vera ekki að hafa orð á því. Hvað eru milljón mannslíf við hliðina á þeim sálræna skaða sem starfsfólk sendiráðsins getur orðið fyrir við að sjá það rautt á hvítu að það sé í vinnu hjá morðingjum?

[Jón Hilmir (IP-tala skráð) 13.4.2008 kl. 18:34]

"OF langt gengið" ?

Ég tel frekar að þarna hafi ekki verið rétt til málanna gengið, en að segja að "OF" langt sé gengið tel ég misvísandi, því forsenda mótmælaaðgerða yfirgangi kínverja er vel til staðar; sendiráð ættu auðvitað að vera friðhelguð, en einnig ættu kínverjar að fara eftir þeim mannréttinda sáttmálum sem þeir hafa undirritað sjálfir.

[Guðjón Sigþór Jensson, 13.4.2008 kl. 18:50]

Starfsmenn sendiráðanna er ekki réttu aðilarnir að beina mótmælum sínum gegn. Þeir eru fyrst og fremst í vinnunni sinni að gæta hagsmuna kínverskra aðila. Þeir breyta í engu um stjórnarhætti.

Diplómataþjónusta er mjög gamalt fyrirbrigði. Sendiráð hafa starfað í aldir og má geta þess að Benjamín Franklín sá frægi vísindamaður var sendiherra hinna nýstofnuðu Bandaríkja Norður Ameríku í París, Frakklandi árið 1783. Hann mældi út hvenær sólin braut sér fyrst gegn um rykmistrið sem upprunnið var úr Lakagígunum á Íslandi þá um vorið. BF fann út að fyrstu sólargeislarnir komu fyrst gegnum móðuna miklu þegar sólin var komin í 19 gráður yfir sjóndeildarhringinn. Þetta rauða mistur var mikið í fréttum á þessum tíma og átti þetta eldgos að öllum líkindum ekki aðeins að leiða yfir sig hörmungar á Íslandi heldur er talið að uppskerubrestur hafi orðið næstu ár á eftir í Evrópu og átti þátt í að hleypa stjórnarbyltingunni miklu á Frakklandi af stað nokkrum árum síðar. Áttu Frakkar að mótmæla Íslendingum eða Dönum fyrir þetta skelfilega eldgos og þessar afdrifaríku hörmungar? Það dettur engum heilvita manni í hug. 

Sendiráð eru mikilvæg í öllum friðsamlegum samskiptum milli landa. Þau eiga ekki að vera vettvangur móðgana og jafnvel hermdarverka. Diplómatísk þjónusta á að vera hafin yfir öll deilumál hvað allir athugi!

Mosi 

[Gísli Friðrik Ágústsson (IP-tala skráð) 13.4.2008 kl. 20:13]

Já, afleggjum öll mótmæli sem beygla brenglaða siðferðiskennd ríkisstjórna og þeirra sem sem vinna í þeirra þágu. Grey starfsfólkið að þurfa að sjá sannleikann rautt á hvítu. Ef eitthvað er þá er þessi mótmælaaðgerð stráksleg og endist of skammt.

Að líkja vel skipulögðu stjórnkerfi kínverksra ráðamanna við stjórnlaust eldgos myndi eflaust bara virka ef helvítis eldfjallið veldi sér fórnarlömb til að varpa hraunslettum og bombum á. 

[Jón Hilmir (IP-tala skráð) 13.4.2008 kl. 21:57]

"Áttu Frakkar að mótmæla Íslendingum eða Dönum fyrir þetta skelfilega eldgos og þessar afdrifaríku hörmungar? Það dettur engum heilvita manni í hug."

Ég hélt það dytti engum heilvita manni í hug jafn óviðeigandi líking; kannski hef ég rétt fyrir mér.

"Diplómatísk þjónusta á að vera hafin yfir öll deilumál hvað allir athugi!"

"deilumál"

En ..þægilegt.. orð.

diplómatík er hafinn yfir deilumál segir þú, "hvað allir athugi". Má vera. En ekkert mannlegt, jafnvel diplomatík, er hafið yfir mannlega samvisku; hvort sem það "ætti" að vera það eður ei.

[Villi Asgeirsson, 14.4.2008 kl. 08:24]

Ég er ekki að segja að málningin sé pen eða hin rétta aðferð. Hitt er þó alveg á hreinu að þegar fólk er myrt vegna þess að það vill sjálfstæði frá innrásarher, er varla hægt að kalla það diplómatískt deilumál. Svo er auðvitað út í hött að bera fjöldamorð og pyntingar saman við eldgos sem enginn hefur stjórn á.