Óskiljanleg handvömm eða kæruleysi?

Hvernig má það vera að um þúsund lítrar fara í sjóinn í Sundahöfn?

Svona handvömm er með öllu óskiljanleg. Á höfuðborgarsvæðinu og víðast hvar um allt landið er hægviðri, sjór kjurr og aðstæður mjög góðar. Hvernig getur svona verið annað en vegna óskiljanlegs kæruleysis?

Nú er fyllsta ástæða að krefjast opinberrar rannsóknar á því hvað fór úrskeiðis og láta þá sem ábyrgð bera á þessu atviki svara til saka.

Kæruleysi er ekki aðeins ámælisvert, það kann að vera refsivert!

Mosi

1000 lítrar af díselolíu fóru í sjóinn við Sundahöfn

Athugasemdir

[Guðmundur H (IP-tala skráð) 11.4.2008 kl. 19:25]

Já rólegur félagi, þú veist ekkert um aðdraganda málsins, ég hef unnið við olíudælingar og allur andskotinn getur komið upp á, það þarf ekki að vera flóknara en það að lás á slöngu hafi losnað eða þess vegna sprunga á slöngunni. 1000 lítrar eru ekki mikið í því samhengi, mjög fljótt að koma. En jájá , ekkert að því að athuga málið frekar, en að fá svona reiðiskast einsog þú virðist hafa fengið er svolítið öfgafengið :P

[bjössi (IP-tala skráð) 11.4.2008 kl. 23:23]

Er sammála Guðmundi að það getur ýmislegt komið upp á við meðhöndlun á olíu og slysinn gerast þar eins og annars staðar. Hef nefnilega sjálfur lent í olíuslysi við dælingu á svokallaðri úrgangsolíu á skipi sem var vegna bilunar í búnaði við notkun á dælingunni og tek það fram að það var ekki bilun í skipinu í því tilfelli. í því tilfelli fór olía í sjóinn og var það ekki vegna kæruleysis heldur óhjákvæmileg bilun sem sást ekki fyrir, þannig að það má ekki dæma neinn strax fyrr en komið er ljós hvað fór úrskeiðiðs.

Bjössi

[Guðjón Sigþór Jensson, 13.4.2008 kl. 17:31]

Hvernig er reglubundnu efirliti háttað? Þessir hlutir eiga að vera í fullkomnu lagi, dælu, slöngur, pakkningar og allt hvað þetta nú heitir.

Að svona óhapp verði við bestu aðstæður er nánast ófyrirgefanlegt. Hvað eru menn að hugsa?

Mosi 

[Bjössi (IP-tala skráð) 13.4.2008 kl. 22:04]

Óhöpp gerast stundum og það er sama hversu eftirlit er mikið og hlutir eiga að vera í lagi að óhöpp geta gerst þrátt fyrir það.

Slysin gera ekki boð á undan sér.

Bjössi