Bókhaldshagnaður

Hagnaður bankanna er fyrst og fremst bókhaldslegur. Arðsgreiðslur hjá Kaupþingi eru mjög óverulegar þrátt fyrir gríðarlegan hagnað, 85 miljarða króna eða um einn miljarð evra. Arðsgreiðslurnar námu einungis um 1% af markaðsvirði hlutafjár eins og það var á aðalfundi 2007! Það hefði einhvern tíma þótt ærið léleg hlutdeild í annars miklum arði.

Nokkuð einkennilegt er að markaðsverð á hverjum hlut sé eins hátt og reyndin hefur verið. Kaupþing banki er með allra stærstu fyrirtækjum landsins og hlutir þess mjög margir.

Ein lélegasta fjárfesting mín voru kaup hluta í bankanum fyrir ári síðan: arðgreiðslur jafnómerkilegar og að framan greinir og mikið hrap á markaðsvirði. En kannski á Eyjólfur eftir að hressast og sjálfsagt að halda í þessa hluti með þá von að einhvern tíma hækki þeir!

Mosi 

70 milljarða hagnaður