Kennarar eiga gott skilið!

Þessi frétt kemur ekki á óvart.

Kennarar á Íslandi eiga sérstakan heiður skilinn fyrir óeigingjarnt og fremur illa launað starf.

Stjórnmálamenn mættu skoða fræðslumálin betur og sama má segja um heilbrigðismálin, íslenska ríkisstjórnin sérstaklega. Meðan hálfum milljarði er fleygt vegna einhverra varnarmála sem gengur út á að halda uppi áhöfnum herflugvéla sem hingað eru að flækjast. Ríkið tekur að sér að greiða háar fjárhæðir fyrir gistingu og uppihald á bestu og dýrustu gistihúsum landsins, - minna má það ekki vera fyrir þessa herramenn! Flott forgangsmál finnst ykkur ekki? Margt væri unnt að gera fyrir þetta mikla fé í þágu fræðslu og heilbrigðismála.

Mosi

Kennurum treyst best á Íslandi

Athugasemdir

[Guðjón Sigþór Jensson, 18.1.2008 kl. 08:00]

Þakka þér fyrir góðar upplýsingar!

Kennari sem er kominn í efsta launaþrep kannski eftir 30 ára starf að baki nær þessum launum ásamt um það bið 30 - 40 yfirvinnutímum á mánuði! Spússa mín er grunnskólakennari sem er í þessari stöðu en hún reynir að komast af með sem fæsta yfirvinnutíma. Fólk sem komið er undir 60 er ekki að næla sér lengur í yfirvinnu en oft er manneklan í skólunum mikil að einhvern veginn verður að leysa málin. Og þá er auðvitað ekki ráðnir fleiri enda framboð á góðum kennurum sem vilja taka að sér þessi illa launuðu störf ekki mikið.

Mosi

[Guðjón Sigþór Jensson, 19.1.2008 kl. 14:06]

Á Íslandi hefur bilið milli þeirra hæstu og lægstu launuðu verið að breikka ískyggilega. Ein skýringin á því er sú stefna „að halda pöplinum niðri“. Var ekki Davíð og félagar hérna um árið að sérsníða sjálfum sér óvenjugóð eftirlaunakjör? Einhverjir þurfa að standa undir þessum ósköpum og þetta er gert að sjálfsögðu á kostnað þeirra sem mest hafa fyrir kaupinu sínu. Og svo er „heiðusrmanninum“ hampað og fjöldinn allur hrópar húrra fyrir „afreksverkinu“!

Mosi