Veit Vilhjálmur Egilsson um bullið?

Þegar rætt er um prósentuhækkanir fær Mosi gæsahúð. Hvenær hafa lágar  prósentulækkanir komið láglaunafólki að einhverju gagni? ALDREI! Hinsvegar færa 3% þeim sem er með 2 milljónir á mánuði 60 þús. eða meira en hálfsmánaðar laun þeirra lægstu í samfélaginu.

Hátekjumenn hafa því hinsvegar ALLTAF haft hag af prósentuhækkunum þó svo að þær séu tiltölulega lágar. Þá er merkilegt að alltaf hefur ríkisstjórnin sem Sjálfstæðisflokkurinn hefur leitt, hyglað vel hátekjumönnum varðandi skattalækkanir. Og þá er lækkað í prósentum. Prósentumerkið ætti Sjálfstæðisflokkurinn að taka upp í gunnfána sinn við hliðina á hrægamminum sem bíður þess að hremma saklausa rjúpu sem tyllir sér á næstu þúfu.

Svona er gangvirkið hjá stjórnmálaflokki sem vill ýmist guma af því að vera „flokkur allra stétta“ eða að á Íslandi sé stéttaskipting í lágmarki þannig að hún sé nánast engin!

Gott er að hafa ungur tvær og tala sitt með hvorri.

Mosi

Aukinn persónuafsláttur kostar 40 milljarða

Athugasemdir

[Haraldur Haraldsson, 5.1.2008 kl. 15:51]

Þarna erum við sko sammála,Þeir eru sko sérfræðingar i að tala tungum tveim/en er Samfylgingin nokkuð betri,þegar á reinir/Halli gamli

[Guðjón Sigþór Jensson, 5.1.2008 kl. 17:33]

Sæll Halli og bestu þakkir fyrir það liðna.

Í haust ræddi eg við gamlan kunningja sem er 85 ára gamall. Hann kvaðst vilja gera byltingu gegn öllu þessu kerfi, óréttlætinu og ósvífninni gagnvart gamla fólkinu. Það fannst mér hraustlega mælt. 

En hvernig í ósköpunum rísið þið eldri menn sem hafið kosið þennan Sjálfstæðisflokk frá því þið lærðuð að það var unnt að pissa annars staðar en í skóinn sinn og segið ykkar skoðun á þessum grafalvarlegu málum. Mér finnst ótrúlegt að lífeyrissjóðirnir eru bæði seint og snemma að senda skjólstæðingum sínum hve ávöxtunin hafi nú verið frábær. Svo þegar áfram erlesið, þá er ótrúlega lág sú fjárhæð sem þeir borga mánaðarlega inn á reikningana.

Svona er nú það. Meðan við tölum ekki neitt, gerist ekki nokkur skapaður hlutur!

[Haraldur Haraldsson, 6.1.2008 kl. 02:21]

Sæll aftur Mosi,eg hefi  alltaf verið mjög svo kristdiskur á  minn flokk,og mun vera það áfram,það er svona að maður vill heldur berjast innbyrgis og heldur alltaf að það se betri leið????/en svo má brina deigt járn að það biti!!!!!!/Kveðja Halli gamli

[Guðjón Sigþór Jensson, 6.1.2008 kl. 08:30]

Já eða henda því og fá sér annað sem bítur betur!