Bílaleikur

Einhver furðulegasti ósiður virðist vera hjá sumum að leika sér með bíla. Að spóla upp dekkjum getur varla talist æskileg hegðun enda myndast varhugaverð spilliefni sem hafa ekki góð áhrif á loftgæði. Það er nefnilega svo að í dekkjum leynast efni sem verða talin æskileg að berist í fólk né skepnur fremur en stafar af flugeldum.

Að halda keppni í spóli sem þessu getur varla talist vera með því hollasta sem nokkur skynsamur maður ætti að taka þátt í. Mér finnst þetta vera allt að því fyrirlitlegt og ekki þeim til framdráttar sem þátt taka og sérstaklega skipuleggja bílaleiki með svona hætti.

Það er svo ótalmargt annað sem unnt er að gera sem er bæði lofsvert og öðrum til fyrirmyndar.   

Spólað í Akureyrarsól

Athugasemdir

[Dóri Bjöss (IP-tala skráð) 17.6.2013 kl. 08:30]

Einn furðulegasti ósiður sem menn taka uppá er að gagnrýna hluti sem þeir hafa ekki hundsvit á. Varla getur talist æskilegt að menn geri sig að fíflum með svona skrifum.

[Pétur Marel Gestsson (IP-tala skráð) 17.6.2013 kl. 09:02]

Georg Bjarnfreðarson?

[Þórður Bragason, 17.6.2013 kl. 14:01]

Að hafa skoðun á einhverju eru forréttindi sem enginn tekur of ofanrituðum. Það myndi þó hjálpa til, og gera gagnrýnina gagnlegri, ef ofanritaður nýtti sér menntun sína t.d til að undrstrika hvað hann er að gagnrýna, að ég tali nú ekki um ef viðkomandi skrifaði Íslensku sem teldist læsileg. En að sjálfsögðu er það nú svo með bílaleiki, skotfimi, skák, sagnfræði o.fl, að það er auðvelt að gagnrýna það sem maður þekkir ekki. Sú ástundun, að gagnrýna hið óþekkta, ber því miður ekki vott um að háskólamenntun hafi borið tilætlaðann árangur.

Undirritaðum dugar ein háskólagráða til að furða sig á skrifum ofanritaðs.