Erfitt ræktunarstarf þar sem sauðfé er

Að setja sig niður þar sem ekki verður þverfótað fyrir sauðfé, ber annað hvort vitni um einstæða þrjósku eins og talið er að sauðir séu haldnir, eða einstæða bjartsýni að unnt sé að breyta eðli sauðkindarinnar. Þar sem nálægð sauðkinda er, verður erfitt með allt ræktunarstarf nema með mjög öflugum girðingum.

Mér finnst kaup Sigmundar á þessari jörð byggjast á mikillri bjartsýni enda er hann með bröttustu mönnum norðan Alpafjalla. Enginn stjórnmálamaður hefur komist upp með önnur eins kosningaloforð en hann í gjörvallri Evrópu nema vera skyldi Silvíó Berlúskóní. Þessir tveir eiga margt sameiginlegt, geta í skjóli auðs síns gert nánast hvað sem þá lystir. En því miður vara þriðjungur þjóðarinnar sem mætti á kjörstað 27.4. s.l. sig ekki á þessum lævísa og slóttuga manni. Hann hefur lært mikið af gamla stjórnmálarefnum á Bessastöðum.

Í hagræðingarskyni skráir hann lögheimili sitt fjarri höfuðborgarsvæðinu, rétt eins og forsetafrúin núna nýverið.

Sigmundi má kannski líkja við sauðkindina sem ekki er öll þar sem hún er séð.

Sauðfé við heimili forsætisráðherra

Athugasemdir

[Jósef Smári Ásmundsson, 15.6.2013 kl. 20:27]

Það kemur reyndar fram í fréttinni að Sigmundur á ekki þetta hús og reyndar leigir hann það ekki heldur.Hann fær einungis að nota það sem lögheimili til að geta boðið sig fram í þessu kjördæmi.

[Guðjón Sigþór Jensson, 15.6.2013 kl. 23:49]

Áttu við að Sigmundur sé þá eins og hver annar húskarl hjá bóndanum þar eystra?

Mér finnst allt þetta mál vera hið einkennilegasta. Sjálfsagt hangir á spýtunni að greiða sem lægstu skattana. Öðru vísi var það hjá fyrirmynd flestra braskara á Íslandi. Einar Benediktsson kærði útsvar sitt til hækkunar! Þótti honum móðgandi að greiða vinnukonuútsvar.