Hörð viðbrögð farísea

Fróðlegt er að bera saman þetta fikt Norður Kóreu saman við aðra kosningabrellu í Ísrael. Í fyrra dæminu er litið mjög alvarlegum augum á fiktið sem enn hefur ekki skaðað neinn en stríðsrekstur Ísraela kostaði hundruði mannslífa.

Að öllum líkindum verður fylgst mjög náið með eldflaug og gervitungli N-Kóreu og sennilega gerðar ráðstafanir til að gera þetta fikt þeirra skaðlaust með öllum tiltækum ráðum. Kannski kærkomið tækifæri fyrir bandarískan hergagnaiðnað að þróa nýja tækni!

Ekki hefur gengið vel að koma ályktunum sem íþyngja Ísrael til samþykkis í Öryggisráði Sameinuðu þjóðanna. Þó svo hundruðum ef ekki þúsundum mannslífa sé fórnað og milljörðum í óþarfan herkostnað eytt, þá eru það stjórnmálamennirnir í Ísrael sem sitja uppi með pálmann í höndunum. Þeir vænta góðra kosningaúrslita enda kosningaloforðin að úthluta byggingalóðum til braskara, á landi sem þeir tóku af fyrri eigendum án greiðslu.

Þvílíkir farísear!

Hörð ályktun frá öryggisráðinu