Hvað eru Kínverjar að aðhafast?

Nú stefnir í mjög alvarlega milliríkjadeilu milli Kínverja annars vegar og nágrannaríkja þeirra, Víetnam, Filippseyja, Taiwan og Japan. Kínverjar sýna nokkuð harkalega framkomu vegna landhelgi. Kínverjar eru að byggja upp mikinn flota og her þeirra er mjög öflugur.

Þegar kínverskur fjárfestir sem vitað er um að hafi tengsl við kínverska valdhafa, lýsi íslensk stjórnvöld hafa mismunað sér, þá er hér um nokkuð alvarlega fullyrðingu að ræða af hendi þessa manns. Áhugi hans hlýtur að vera tengdur hagsmunum Kína alla vega af einhverju leyti. Þá hefur komið í ljós að athafnir þessa manns beggja megin Atlantshafs gefa tilefni til tortryggni þeirra sem hafa skoðað þessi mál betur en eg.

Það er því alveg út í hött að þessi athafnamaður telji sig hafa verið „fórnarlamb“ mismunar vegna kynþáttar, trúar, litarháttar, kynferðis eða uppruna.

Að bera sig illa undan íslenskum stjornvöldum við breska fjölmiðla er allt að því hlægileg. Hún er móðgandi gagnvart Íslendingum sem hafa haft mjög dapra reynslu af ævintýralegum fjárfestum á undanförnum árum.

Ef maðurinn telur sig hafa verið hlunnfarinn af íslenskum yfirvöldum, ber honum að bera sín mál upp við Íslendinga, ekki Breta.

Við viljum ekki taka við fjárfestum með óljós markmið þó þeir séu klyfjaðir gulli. Þar skiptir kynþáttur, litarháttur, kynferði eða trúarbrögð akkúrat engu máli.

Góðar stundir.

Huang Nubo segir stjórnvöld vera fordómafull

Athugasemdir

[Þorsteinn H. Gunnarsson, 7.12.2012 kl. 13:12]

Möguleiki er fyrir hendi að Kínverjinn sé að halda þessu máli gangandi til að magna það upp sem einhverskonar deilu.

Ég skil stjórnarskrána þannig hún gildi innan landamæra Íslands og veiti persónum á því landsvæði rétt hvort svo hann er íslenskur ríkisborgari eða ferðamaður. T.d. er ekki hægt að meðhöndla umferðalagabrot erlendra ríkisborgar á Íslandi með öðrum hætti en innlendra manna bara ef hann er útlendingur. Það væri kynþátta mismunun.

En það er af og frá að maður í Kína geti krafist landsréttinda hér á landi í krafti íslenskra stjórnarskrár í krafti stjórnarskrárákvæði um jafnan rétt.

Þess vegna er þetta sífr Kínverjans rökleysa.

Íslensk stjórnvöld geta bara ráðið því sem þau vilja innan ramma íslenskra lag. 

Kínverjinn verður bara að sætta sig við það.

[Guðjón Sigþór Jensson, 7.12.2012 kl. 17:25]

Þakka þér Þorsteinn.

Nú er svo, að lengi vel máttu erlendir ríkisborgarar ekki eiga eign hér á landi nema með samþykki Stjórnarráðsins. Oft tók langan tíma að fá slíkt leyfi. Konan mín kemur frá Þýskalandi og íbúðin sem við keyptum saman fyrir 30 árum er enn skráð á mig eingöngu. Við höfum árum saman verið að glíma við þennan draug en án árangurs. Sýslumaðurinn í Reykjavík krefur okkur um stimpilgjald fyrir hálfri eigninni og þá á þetta að ganga eftir. Því erum við ekki sammála enda ekki að selja hvoru öðru sem við keyptum saman.

Nú er þessu breytt eftir aðild okkar að EES.

Fasteignin okkar er innan við 500 fermetra lóð og íbúðin tæpra 100. Kínverjinn vill kaupa eða leigja 300 ferkílómetra eða 30.000 hektara lands. Það er meira en 600.000 stærra land en litla spildand sem íbúðin okkar gömlu hjónanna er á. Svo skilur þessi Kínverji hvorki upp né niður í viðhorfum Íslendinga! Eins og það þyki sjálfsagt mál að geta keypt allt sem hugurinn girnist!

Að öllum líkindum er hollt fyrir okkur Íslendinga að sýna Kínverjum vissa tortryggni. Fyrir rúmum 60 árum gleyptu þeir Tíbet og fóru létt með það. Sennilega verður Ísland þeim öllu auðveldari bráð, sérstaklega þegar þeir hafa nokkra skilningsríka Íslendinga á sínum snærum. Hvernig skyldi  verða á þeim upplitið væru þeim sendir 30 smápeningar sem n.k. tákn um milligöngu þeirra?

Góðar stundir.

[tg (IP-tala skráð) 7.12.2012 kl. 19:19]

Kínverjar í valdatafli og auka sín áhrif.  Er það eitthvað nýtt??...eru bara að eiga við börn nú um stundir.

[óli (IP-tala skráð) 7.12.2012 kl. 21:35]

Já hann er ekki sáttur. Flott þá bara fer hann e h annað. þetta er bara hrokafullur asni sem er alveg ég um mig frá mér til mín. Flott vinur. Drullastu þá bara með þína peninga annað. Við viljum ekki sjá þig lengur. Enda erum við vont fólk að þínu mati Hr Nubo.