Dýr mun Gunnar allur

Gunnar Birgisson er einn þeirra pólitíkusa sem skilur eftir sig óreiðu af ýmsu tagi. Ferill hans sem bæjarstjóra í Kópavogi varð söguleg að ekki sé dýpra tekið í árina. Einkum er minnisstæðtt þegar hann lét verktakafyrirtæki sem áður var í eigu hans vaða gegnum Heiðmörkina og olli stórtjóni á skógargróðri hennar. Það kostaði málaferli og bæjarsjóð Kópavogs um 20 milljónir. Aðkoma hans að sögu Kópavogs var furðuleg þar sem dóttir hans fékk á silfurbakka vel launað verkefni sem ekki hefur skilað tilætluðum markmiðum.

Og nú kemur þetta mál sem kostar ríkissjóð milljónir!

Óhætt má segja að dýr muni ekki Hafliði Másson heldur einnig Gunnar Birgisson þegar öll kurl verða dregin til grafar.

Góðar stundir!

Gunnar Birgisson greiði sekt

Athugasemdir

[Anna Sigríður Guðmundsdóttir, 22.5.2012 kl. 20:15]

Ég er ekkert inni í þessu máli í Kópavogi, en skynja þó og skil, að Gunnar Birgisson greiðir ekki sekt úr eigin vasa, heldur spillingar-félagið "Sjálfstæðisflokkur".

Það er að sjálfsögðu rangnefni á virkum "Sjálfstæðis"-klíkuflokki Íslands. Það þarf ekki að fletta mörgum blöðum, til að skilja þá staðreynd. Ég læt fylgja með, að aðrir flokkar eru enn verri, því þeir segjast vera "velferðarflokkar", þótt þeirra formenn séu í raun falskt, forritað, og skoðanalaust útibú Sjálfstæðisflokksins.

Leikhús landsins eru orðin gamaldags og kjánaleg, miðaða við stjórnsýslu-flokka-leikhús embættisklíkunnar ESB-stýrðu á Íslandi.

Það er ekki góð stefna í menningar-mannréttindasamfélagi, sem vill kenna sig við velferð!

M.b.kv. 

[Sigurður Þorsteinsson, 22.5.2012 kl. 22:03]

Guðjón

Gunnar Birgisson er búinn að vera  í bæjarstjórn Kópavogs í  rúm 20 ár, lengst af sem forseti bæjarstjórnar og en einnig sem bæjarstjóri. Ég vel að veita bæjarfulltrúm hér aðhald og líta gagnrýnum augum á verk þeirra. 

Þú nefnir tvö mál til þess að segja okkur ,,óreiðumanninn" Gunnar Birgisson

 1. Verktakafyrirtæki sem áður var í eigu Gunnars Birgissonar grefur skurð upp í Heiðmörk fyrir vatnslagnir. Sem mikill áhugamaður um skógrækt fór ég þarna uppeftir. Eftir fréttum í sjónvarpi átti að vera 20 metra djúpur skurður og gífulegt jarðrask. Ég á mynd af mér ofan í þessum skurði, og ef skurðurinn er 20 metra djúpur, er ég um 30 metra á hæð, sem ég er ekki. Í mínum hóp eru náttúruverndarsinnar og við vorum sammála um að svona málflutningur væri náttúruvend ekki til góða. Reykjavíkurborg hafði skrifað undir samning við Kópavogsbæ um þessa lögn, en hafði ekki gegnið formlega frá málinu við Skógræktarfélag Reykjavíkur. 

 2. Sérstök afmælisnefnd Kópavogs fékk dóttur Gunnars til þess að sjá um umbrot og ljósmyndir að blaði um sögu Kópavogs. Starfsmaður bæjarins sem átti að rita blaðið lauk aldrei við það og það hefur ekkert með vinnu dóttur Gunnars að gera. Það að þetta hafi verið vel launuð vinna segir þú sjálfsagt af reynslu þinni af útgáfumálum. Í nefndinni var maður vanur slíkum málum og hann sagði tilboð í verkið vera mjög hagstætt. 

3. Þetta lífeyrissjóðsmál er dapurlegt, og er full ástæða til þess að kanna hvort pörupilturinn Steingrímur Sigfússon hafi komið þar að verki. Mér skilst að Gunnar og Sigrún framkvæmdastjóri  hafi verið dæmd vegna þess að upplýsingar í bréfi voru miðaðar við áramót, en ekki 15 janúar þegar bréf var sent. Ef rétt er þá skil ég vel að þau ætli að áfrýja til Hæstaréttar. Ég á von á að ríkissjóður þurfi að greiða milljónir í skaðabætur fyrir að stefna fólki að ósynju fyrir rétt. 

 Pistillinn þinn er að sjálfsögðu rætinn eins og þú hefur tamið þér. Trúaðir kommúnistar líta á líf fólks sem peð, sem hægt er að níða fólk svona fyrir svefninn. 

[Guðjón Sigþór Jensson, 23.5.2012 kl. 18:31]

Sigurður: leggur þú enn trúnað á einhverja „vonda kommúnista“ sem íhaldsmenn á Vesturlöndum gjarnan nefdnu andstæðinga sína þegar þeir voru komnir í rökþrot?

Þessar fullyrðingar byggi eg á því sem eg hefi lesið í fjölmiðlum sem og hæstaréttardómi þeim sem Heiðmerkurmálið byggist á. Þó svo samningur kunni að hafa verið að einhverju leyti byggður á stjórnvaldsreglum, þá var framkvæmd hans illa undirbúin og á því byggðist niðurstaða Hæstaréttar.

Eg vísa því til föðurhúsanna að eg byggi á einhverju rætnu hugarfari gagnvart Gunnari Birgissyni. Það nægir að benda á að maður sem innleiddi box og hélt hlífisskildi yfir gleðskaparstað þar sem ekki er útilokað að hafi byggst á mansali og vændi, er líklegur til margs misjafns. Enda voru viðhorfin til hans ekki byggð ás neinu öðru en sjálfstæðu mati.