Fjáraustur prófkjöra

Prófkjörum hefur fylgt gríðarlegur fjáraustur einkum Sjálfstæðisflokknum. Athygli vekur hversu frambjóðendur hafi mikið fé úr að spila til að auglýsa eigið ágæti, hugmyndir og áhugamál. Lítið fer fyrir því hvernig þeir hafa staðið sig enda mun það skipta suma sáralitlu máli.

Það sem mjög miklu máli skiptir er hvort þeir sem tóku þátt í prófkjörum hvort sem er hjá Sjálfstæðisflokki eða einhverjum öðrum flokki hyggjast gera opinberlega grein fyrir uppruna og notum þess fjár sem þeir hafa haft undir höndum vegna prófkjöranna. Í langflestum réttarríkjum þykir þetta sjálfsagt mál og er litið grafalvarlegum augum ef út af ber. Sá sem treystir sér ekki að gera grein fyrir fjármálum sínum á ekkert erindi í stjórnmál enda á allt að vera gegnsætt og komið fram af heiðarleika en ekki slægð og undirferlum.

Við höfum haft nóg af slíkum stjórnmálamönnum. Þannig stjórnmálamaður hefur reynst okkur dýr! Já rándýr!

Mosi

Listi sjálfstæðismanna í Reykjavík kynntur

Athugasemdir

[Jóhann Páll Símonarson, 10.3.2010 kl. 21:17]

Heill og sæll Guðjón.

Eitt vil ég taka fram við þig það er skylda að senda skattayfirvöldum styrki og kostnað við prófkjör svo það sé á hreinu.

Það er rétt hjá þér varandi niðurstöðu prófkjara hún er ekki birt, það eitt væri tilefni að fjalla um.

Jóhann Páll Símonarson

[Hamarinn, 10.3.2010 kl. 21:21]

Jóhann.

Var þér ekki einu sinni treyst til að vera í 25 sæti listans?

[Guðjón Sigþór Jensson, 12.3.2010 kl. 12:53]

Jóhann:

Auðvitað er það lagaskylda en hvernig brást Sjálfstæðisflokksins við? Eftir upplýsingum sem á þeim bæ hefur verið skilað þá er það einhver N.N. sem hefur ausið í flokkinn tugum milljóna og þetta haldið þið að sé að gera hreint fyrir ykkar dyrum?

Og ekkí!

Mosi