Er Gordon Brown geggjaður?

Ýmislegt bendir til að Gordon Brown sé ekki samkvæmur sjálfum sér. Af hverju beitti hann hermdaverkalögunum bresku á friðsama og herlausa þjóð? Á þessu hefur aldrei verið gefin önnur opinber skýring en að verið væri að treysta hagsmuni breskra sparifjáreigenda.

Breski Verkamannaflokkurinn hefur verið málssvari þeirra sem minna mega sín. En með beitingu hermdarverkalaganna varð þetta bankahrun á Íslandi með skelfilegum afleiðingum. Atvinnuleysi hefur verið vaxandi, efnahagskreppan komið harðar niður á okkur og lífskjörin hafa bókstaflega hrunið og farið marga áratugi aftur í tímann.

Með óbilgirni afstöðu sinni er Gordon Brown að fara með efnahag Íslendinga og sjálfsagt fleiri fjandans til. Fyrirvarandir með fyrri Icesave lögunum voru mjög eðlilegir og sanngjarnir. Gordon Brown sló á hendi sem vildi sættir. Ríkisstjórnin íslenska reynir að gera allt sem í hennar valdi stendur að bjarga því sem bjargað verður. Vandræðin eru þau að Icesave skuldbindingarnar eru aðeins 20-25% af heildarskuldum Íslendinga og þessi óvissa hefur eðlilega haft þá afleiðingu í för með sér að vaxtakjör eru afleit og lánamarkaðir mjög torsóttir.

Heima fyrir heldur rannsóknin á bankahruninu vonandi áfram og leiði til að draga þá til þungrar ábyrgðar sem mestum skaðanum olli. Þann 1. febrúar n.k. er von á skýrslu rannsóknarnefndar Alþingis um orsök bankahrunsins. Það verður ábyggilega margt þar athyglisvert en að sömu ástæðum dapurlegt að lesa um þessa gífurlegu fjárglæfra sem fóru með okkur út í þetta skuldafen. Hvernig stjórnarandstæðan tekur á því máli verður væntanlega einnig mjög fróðlegt enda eru Framsóknarflokkur og Sjálfstæðisflokkur fyrst og fremst ábyrgir fyrir einkavæðingu bankanna og að koma þeim í hendur mönnum sem fremur hafa áhuga fyrir að reka fótboltasparkfélag á Englandi en að reka banka með einhverju viðskiptaviti.

Hvort Gordon Brown sé geggjaður skal ekki fullyrt enda Mosi enginn sérfræðingur um slíka sjálfskipaða „snillinga“. En það eru ýmsir fleiri sem eru haldnir þeirri valdagleði að telja sig hafa meira vit en aðrir hvernig málum skuli best vera farið. Kvótabraskið og einkavæðingin eru mestu afglöp sögu Íslands sem við erum að súpa seyðið af.

Mosi

Telegraph: Engin ástæða til að Íslendingar greiði

Athugasemdir

[Már (IP-tala skráð) 9.1.2010 kl. 20:28]

Brown og Darling hafa sést á fundum með "súperelítunni" í gegnum árinn. Ásamt nokkrum öðrum "vafasömum" stjórnmálamönnum í heiminum.

Allir eiga þessir stjórnmálamenn sameiginlegt að vinna að hag fyrirtækjasamsteipna sem vinna að því að eignast auðlindir heimsins.

Fyrir þá sem ekki vita þá er "súperelítan" hópur manna sem á 80% af verðmætum og auðlindum heimsins. Þetta eru aðeins um 6000 manns og eru þeir stærstu sífellt að eignast meira og meira af heiminum.

Við Íslendingar erum einfaldlega of litlir og saklausir (einangraðir) til að átta okkur á þessari ógn.

Það skilur enginn í þessu Icesave dæmi út um allann heim. Þ.e.a.s þeir sem spá í hagfærði. Almenningur fær hinsvegar að vita í gegnum fréttaveitur (í eigu sömu auðhringja svipað og Mbl er fyrir sjálfstæðisflokkinn) að Íslendingar borgi ekki skuldir sínar.

Þetta er áhlaup á Ísland og hefur alltaf verið. Þeir sem kalla það samsæriskenningu eru búnir að loka augunum svo kyrfilega að þeim verður varla viðbjargandi.