Loksins einhverjar jákvæðar fréttir

Gott að heyra að einhvers staðar gangi Íslendingi vel. Að reka veitingahús er mikil vinna og í mörg horn þarf að líta. Því miður hafa ekki margir veitingastaðir á Íslandi orðið lífsseigir. Má þar stundum kenna ýmsu bruðli og óþarfa flottræfilshætti.

Mikið atriði er að sníða sér stakk eftir vexti, taka sem minnst af lánum en byggja reksturinn smám saman upp og láta hann ráða hraða vaxtarins. Sérstaklega á þetta við þar sem rekstrarumhverfi er breytilegt og ekki er það alltaf hagstætt þeim sem eru að byrja. Því miður hafa margir farið of geyst af stað án þess að gera sér almennilega fyrir grundvelli rekstrarins. En þessum landa hefur tekist það!

Góðar kveðjur suður áleiðis að miðbaug!

Mosi

Rekur veitingastað á Kanaríeyjum

Athugasemdir

[axel (IP-tala skráð) 8.1.2010 kl. 22:00]

Ég hef komið til Báru, ég gef henni fullt hús og betur enn það. Gott viðmót góður matur fallegur staður. Og til hamingju með litlu kúluna Bára kveðja að heiman.