Til hvers er bankaleynd?

Upphaflega var bankaleynd til að fá frið fyrir skattyfirvöldum. Núna er svo komið að allar upplýsingar um innistæður og viðskipti fara sjálfvirkt til skattyfirvalda og auðvelda þannig öllu heiðarlegu fólki að telja fram á sem auðveldastan og hagkvæmastan hátt.

Að braskaralýðurinn vaði núna uppi og nái að beita Fjármálaeftirlitinu fyrir sig til að klekkja á blaðamönnum er með öllu óþolandi.

Óheiðarlegir viðskiptamenn og braskarar eiga að vera með öllu óalandi og óferjandi. Það er sjálfstætt rannsóknarefni blaðamanna að kanna hvernig þau tengsl eru. Hafa braskaranir einhver hreðjatök á Fjármálaeftirlitinu? Það skyldi ekki vera.

Bankaleyndin er smám saman að heyra sögunni til. Bankarnir eiga ekki að vera staðir þar sem skattsvik, peningaþvottur og önnur glæpastarfsemi á að geta sótt skjól í. Sá sem vill fela skal ekki stela!

Allt skynsamt og heiðarlegt fólk vill að þessi mál séu upplýst. Rannsóknablaðamenn eiga mikla þökk fyrir að hafa farið í þessi mál.

Mosi

Viðskiptaráðherra vill blaðamenn úr snörunni

Athugasemdir

[Finnur Bárðarson, 3.4.2009 kl. 12:50]

Bankaleynd er til fyrir þá sem þurfa að fela eitthvað