Frestum framkvæmdum á Vestfjörðum

Vegaframkvæmd á Vestfjörðum krefst eins og á flestum stöðum mjög vandaðra vinnubragða. Þarna hefur ekki farið fram umhverfismat sem auðvitað ber að vinna áður en ákvörðun um framkvæmd er tekin.

Kannski mætti slá þessari framkvæmd á frest og hefja fremur upp framkvæmdir við fyrirhugaða Sundabraut. Þegar fyrstu hugmyndir um þá braut komu fram um 1980 eða jafnvel fyrr, var talað um að framkvæmdum yrði lokið í síðasta lagi 2006. Nú 3 árum síðar eru framkvæmdir ekki hafnar! En ítarlegt umhverfismat hefur farið fram og því ekkert til fyrirstöðu að hefja framkvæmdir nú þegar, alla vega á þeim hluta sem enginn ágreiningur er um.

Sundabraut kemur fleirum að gagni en framkvæmdir á Vestfjörðum sem nýtast fremur fáum. Hluti af andvirði þeirra miklu fjármuna sem komu í ríkissjóð fyrir sölu Landssímans hérna um árið átti að vera varið í þessa framkvæmd.

Mosi

Vegarlagning kann að hafa áhrif á erni

Athugasemdir

[Bjarki (IP-tala skráð) 31.3.2009 kl. 11:25]

Það er ennþá ágreiningur um alla Sundabraut. Það virtist vera að nást samkomulag um að leggja í allra dýrustu útfærsluna sem felst í jarðgöngum frá Gufunesi í Laugarnes. Það var fyrir hrun. Það er fráleitt að það liggi á lausu 20-30 milljarðar til að fara þá leið á næstu árum.

Ég skrifa heldur ekki undir það að forgangsraða framkvæmdum eftir því hvað þær koma mörgum "að gagni". "Gagn" íbúa suðvesturhornsins af gerð Sundabrautar er hverfandi lítið við hliðina á "gagni" íbúa á sunnanverðum vestfjörðum af því að fá boðlegan veg til Íslands (sú tenging sem nú liggur þarna á milli er ekki með góðri samvisku hægt að kalla veg). Allir Íslendingar eiga heimtingu á öruggum og tryggum samgöngum og við þurfum bara að horfast í augu við það að þetta er kostnaðurinn við að vera fámenn þjóð í stóru landi.

[Guðjón Sigþór Jensson, 31.3.2009 kl. 11:43]

Enginn ágreiningur er um Sundabraut nema þann hluta sem er frá gömlu öskuhaugunum í Gufunesi og um Elliðaárvog.

Hefja mætti þegar vegalagningu milli gömlu hauganna og í átt að Kollafirði. Þvera þarf mynni Leirvogs sem er töluverð framkvæmd.

Varðandi vegabætur á Vestfjörðum eru margir þröskuldar. Klettsháls hefur alltaf verið varhugaverður að ekki sé minnst á allar heiðarnar milli Flókalundar og langleiðina að Ísafirði sem eru fyrst og fremst þokkalega færar yfir sumartímann. Dynjandisheiði og Hrafsneyrarheiði hafa ætíð verið taldar með erfiðari fjallvegum á Vestfjörðum.

Mosi

[Bjarki (IP-tala skráð) 31.3.2009 kl. 11:50]

Mér skilst að síðari áfangi Sundabrautar frá Gufunesi upp á Kjalarnes sé skemur kominn í matsferlinu en sá fyrri. Það er þó vonandi að það klárist fljótlega þannig að hægt verði að byrja þeim megin. Það má vinna í samhengi við tvöföldun vesturlandsvegar á kjalarnesi að Hvalfjarðargöngum.

En mig grunar að fyrsti áfangi Sundabrautar yfir/undir Kleppsvík verði áfram þrætuefni borgarinnar, vegagerðar, samgönguráðuneytis og íbúasamtaka. Ég spái því að það séu allavega 5 ár í endanlega ákvörðun um útfærslu og allavega 10 ár áður en hægt verður að keyra þá leið.

[Haraldur Haraldsson, 31.3.2009 kl. 23:54]

Sundabraut er mjög svo hagkvæm,ekkert mun vera i raun hagkvæmara,engin göng bara ódýrustu leiðin og það að byrja strax,þetta var fyrst á´dagskra´1978 að við fengum þetta á okkar borð i Iðnvogum,heldurðu Mosi að það væri bilting fyrir ykkur i Mosó að lostna við umferðina þarna/Halli gamli

[Guðjón Sigþór Jensson, 1.4.2009 kl. 14:19]

Bjarki:

Umhverfismat vegna Leirvorgar er þegar tilbúið.

Halli:

Við Mosfellingar sumir hverjir höfðum á sínum tíma uppi efasemdir um ágæti tvöföldun Vesturlandsvegar og fannst mörgum hyggilegra að nýta þá fjármuni í Sundabraut. Meirihlutinn réð auðvitað!

Mosi