Hvað með ókeypis í strætó?

Þegar fréttir berast úr Kópavogi stórbokkanna leggja flestir við hlustir: Nú heyrist að atvinnulausir fái frítt á bókasafnið í hálft ár og frítt í svitastöðvarnar. Hvers vegna ekki að bjóða upp á ókeypis kort í strætó?

Fátt kemur bæði atvinnulausum sem skynsömu fólki betur að gagni en taka sér far með strætisvögnum. En fargjöldin hafa verið spennt upp úr öllu valdi enda telur Sjálfstæðisflokkurinn með allt of mörgum fulltrúum í stjórn Strætó, að þessi rekstur „eigi að standa undir sér“. Satt best að segja hefur það hvergi í veröldinni tekist að láta almenningssamgöngur standa undir sér algjörlega.

Svona geta Sjálfstæðisflokksmenn verið gjörsamlega lokaðir fyrir staðreyndum. Sumir eru meira að segja uppteknir við að storka nágrannasveitarfélögum með því að koma sér upp upp vatnsveitu að þeir höggva í burtu heilu skógana í nær skóglausu landi eða með óskynsamlegri hafnarstarfsemi og sinnuleysi vegna umhvefismála.

Mosi

Atvinnulausum boðið á bókasafnið og í ræktina

Athugasemdir

[Berglind Steinsdóttir, 3.3.2009 kl. 21:18]

Getur ekki verið að almenningssamgöngur standi undir sér ef maður reiknar með mengun, slit á vegum, mannslíf, heilbrigðiskostnað og kostnað við mannvirki á gatnamótum? Er eðlilegt að mæla kostnaðinn bara út frá fargjöldum á móti rekstrarkostnaði farartækisins sjálfs og launa bílstjóranna og yfirbyggingar?

[Haraldur Haraldsson, 4.3.2009 kl. 17:56]

Þarna erum við sammála Mosi /en af hverju var ekki frítt á strætó þegar R listin var við völd i R.vik í 12 ár /Kveðja Halli gamli

[Guðjón Sigþór Jensson, 5.3.2009 kl. 11:25]

Berglind: Sjálfsagt gætum við reiknað fjöldann allan af málum sem við gætum sparað á móti. Einu mætti bæta við sem mörgum finnst ekki skipta miklu: Sunnarlega í Mosfellssveit eru grjótnámur þar sem verið er að eyðileggja fagurt stuðlaberg. Þarna er sótt hráefni í malbikið sem nagladekkin eiga drjúgan þátt í að spæna upp. Hef lengi verið að reyna að fá þetta stuðlaberg friðað en án árangurs.

Nú væri gott að fá „aðgerðarsinnana“ að vekja athygli á þessu!

Haraldur: Þessari hugmynd var komið á framfæri en ekki þótti rétt að „storka“ Sjálfstæðisflokknum. Það er nefnilega svo að í 7 manna stjórn Strætó eru 5 frá Sjálfstæðisflokknum! Þeir hefðu aldrei samþykkt svona „vitleysu“ að gefa frítt í Strætó.

Mosi