Þökk sé Ólafi forseta fyrir þarfar upplýsingar

Ólafur Ragnar Grímsson forsetinn okkar hefur með framgöngu sinni gert meira en ríkisstjórnin að upplýsa okkur um stöðu mála og hvað þurfi að gera. Þó einn af stjórnmálafræðingunum, Baldur Þórhallsson, hafi gagnrýnt þessa aðferð mjög, þá stendur uppi að Ólafur með afburða reynslu sinni og þekkingu dregið aðalatriðin saman. Auðvitað gera stjórnmálamenn sér grein fyrir öllu þessu en ekki er svo að sjá, að þeir sem ábygð bera á hvernig komið er fyrir okkur, kæri sig um að forsetinn setji fram þessar nauðsynlegu upplýsingar fyrir þjóðina.

Sjálfstæðisflokkurinn og valdakerfi hans sem hefur verið í sífelldri sókn, bókstaflega hrynur sem spilaborg um þessar mundir. Hann hefur því miður brugðist þjóðinni. Í nær 17 ár hefur hann verið í mikilli sókn en nú er náanst allt landið í rústum eftir þessa einkennilegu ráðsmennsku.

Mosi

 

Ólafur Ragnar: Vildi upplýsa þjóðina

Athugasemdir

[Ómar Sigurðsson (IP-tala skráð) 27.1.2009 kl. 14:05]

Staðreyndin er sú að Ástþór hefði staðið sig miklu betur en þessi jólasveinn sem nú er á Bessastöðum.

[hreinsamviska, 27.1.2009 kl. 14:06]

Fáðu þér flottan bol gegn Íhaldinu. Sjá nánar á síðunni hreinsamviska.blog.is

[Ágúst Marinósson, 27.1.2009 kl. 14:15]

Forsetinn hefur hér á skýran og einfaldan hátt, á mannamáli skýrt út fyrir lesendum hvað hann átti við.  Þarf ekki að hafa fleiri orð um það.  Málóða fréttaskýrendur reyndu í gær að gera greinargóða ræðu hans tortryggilega á allan hátt.  Það hefur mistekist algjörlega. 

Varðhundar valdsins = sjálfstæðismenn verða að fara láta sér skiljast að þeirra er ekki lengur mátturinn og dýrðin.  Brunarústir efnahagskerfis íslendinga verður minnisvarði um stefnu þeirra og vonandi víti til varnaðar fyrir kjósendur þessa lands um ókomna tíð.

[Björn Birgisson, 27.1.2009 kl. 14:19]

Aumingja Ólafur Ragnar! Fær hann nú aldrei að fara neitt út í heim til að "eiga viðræður við aðra forustumenn og ráðamenn til að stuðla að lausnum á vandamálum heimsbyggðarinnar"?

[Villi Asgeirsson, 27.1.2009 kl. 15:02]

Kannski hefði Ástþór staðið sig betur. Hann hefði sennilega gripið inn í strax í upphafi, en Óli er að virka vel.

[haha (IP-tala skráð) 28.1.2009 kl. 07:47]

Ólafur Ragnar nýtist nú bara til heimabrúks og verður að láta ljós sitt skína. Getur verið að hann ætti að gera eitthvað til axla ábyrgð?