Skilningsleysi Sjálfstæðisflokksins

Því miður er svo komið fyrir Sjálfstæðisflokknum að hann virðist hvorki skynja né skilja hver séu grunnþjónusta við íbúa landsins. Hjá þessum flokki sem vonandi minnkar fylgi sitt sem mest vegna lélegrar frammistöðu.

Megintakmark þessa flokks virðist vera að einkavæða sem mest og sem hraðast án þess að gerðar séu minnstar ráðstafanir til að sú einkavæðing geti orðið árangursrík. Dæmi er um bankana þar sem allt var gert frjálst, losað um allar hömlur græðginnar. Þannig var bindiskyldan afnumin, engin öryggisákvæði sett í landslög varðandi heimildir einkavæddra banka né sett ákvæði í skattalög til að koma í veg fyrir að óskattlagður hagnaður væri fluttur úr landi. Um þetta snýst umræða meðal helstu skattsérfræðinga í dag.

Sjálfstæðisflokkurinn er á góðri leið að stórskemma heilbrigðisþjónustuna. Einnig hefur samgöngukerfið orðið fyrir þungum búsifjum t.d. með afnámi strandsiglinga á sínum tíma með stórauknum landflutningum sem hafa stórskaðað þjóðvegakerfi landsmanna auk valdið aukinni slysatíðni. Almenningssamgöngur eru heldur ekki uppi á pallborðinu og er dapurlegt að íbúum Akraness, Borgarbyggðar, Hveragerðis og Selfoss er boðið upp á slíkar samgöngur að þær eru dýrari en með einkabíl!

Svona má lengi telja. En það sem virðist mega fleygja miklum fjárhæðum út um gluggann eru fjárveitingar fyrir einhverjar stofnanir tengdar hernaðarumsvifum og einnig vitagagnslausar stofnanir á borð við Fjármálaeftirlit og annað sem ekkert hefur komið að gagni fyrir okkur.

Mosi

Lýsa óánægju með vinnubrögð ráðherra

Athugasemdir

[Ásta Guðmundsdóttir (IP-tala skráð) 6.1.2009 kl. 13:04]

Hjartanlega sammála því sem þú segir um Sjálfstæðisflokkinn og heilbrigðisþjónustuna (veit ekki með samgöngur þar sem hef ekki kynnt mér málið).

Heilbrigðisráðherra stendur sig illa í starfi finnst mér, stendur ekki við orð sín, brýtur lög um réttindi sjúlinga og svíkur loforð. Til dæmis varðandi fólk með MS-sjúkdóm og "nýlega" lyfið Tysabri sem hefur reynst best í baráttunni við sjúkdóminn, ekki lækning, en tefur framgöngu hans og þar með fötlun vegna hans. Lofað var að 50 einstaklingar fengju þetta lyf á árinu 2008, en það var svikið og aðeins rúmlega 20 manns höfðu fengið Tysabri í árslok.

Hvaða sparnaður er það? Það gefur auga leið að peningalegur kostnaður vegna þessa verður meiri til lengri tíma litið. Svo ekki sé minnst á mannlega þáttinn ... sorglega heimskulegt.

Bestu kveðjur

Ásta