Hvernig er talið?

Athygli vekur hve mikið ber á milli talna lögreglunnar og Harðar Torfasonar. Nú er líklegt að lögreglan miðar við lágmarksfjölda en sennilega eru tölur Harðar réttari.

Nú þarf að athuga nokkrar forsendur talningar:

1. Hversu stór er Austurvöllur og hversu mikill hluti hans nýtist fyrir fundarhöld? Sennilega nær Austurvöllur ekki hektara, sennilega er stærð hans u.þ.b. 2/3 úr hektara. Það þýðir nálægt 6.700 fermetrar.

2. Hversu margir geta hugsanlega verið á hverjum fermetra? Í töluverðum þrengslum hefur verið talið að 2-3 geti verið á fermetra hverjum. Það gæti því þessvegna verið hátt í 20.000 manns á Austurvelli í einu. En þar eru runnar og tré, moldarbeð, bekkir og auðvitað stöpullinn undir styttu Jóns Sigurðssonarsem verður að draga frá.

Það væri því fróðlegt að fá einhverjar betri hugmyndir um fjölda sem og mismunandi talningaraðferðir mannfjölda. Loftljósmyndir hafa verið nýttar til þess að telja hreindýr og ákvarða fjölda þeirra nokkuð nákvæmlega. Þar er auðvitað um dýr sem oft eru á hreyfingu. Fólk sem er tiltölulega kjurt á sama punkti ætti að vera unnt að telja betur með meiri nákvæmni.

Mosi

 

 

 

Mótmælt á Austurvelli

Athugasemdir

[Lára Stefánsdóttir, 3.1.2009 kl. 19:48]

Það er dálítil kúnst að telja á útifundum sem öðrum fundum. Eftir nokkur skipti þar sem mér fannst virkilega óréttlát opinber tala af fundum (sem er ekkert tengt þessum fundum) tók ég mig til og fór að telja. Taka myndir yfir hóp og ímynda mér hversu margir væru innan rammans en niðurstaða mín varð sú að ég ofmat sjálf fjölda fundarmanna oft á tíðum. Svo ég fór að æfa þetta og telja ákveðinn reit af fólki og margfalda með reitum með sama þéttleika fólks og fannst sjálfri ég væri að færast nær sannleikanum. Mín reynsla varð sú að lögreglan var yfirleitt nokkuð nærri lagi og síðan tek ég tölur þeirra gildar. Líklega hafa þeir einhverja aðferðafræði við að telja mannfjölda en svo er auðvitað með þá eins og aðra, þeir geta gert mistök.