Skelfilegar fréttir

Þegar fréttist að í undirbúningi séu götubardagar í Aþenu þá spyr friðsamur borgari á Íslandi: hver skyldi hafa hag af slíku? Enginn nema sá aðili sem hefur hag af að selja báðum aðilum það sem græða má af: vopn af ýmsu tagi.

Óskandi er að við Íslendingar berum þá gæfu til að mótmæla á friðsamna hátt. Enginn græðir af ofbeldi nema hugsanlega sá sem byggir afkomu sína af óttanum. Viðþurfumekki vopn af neinu tagi. Meðan við höfum hugrekki að leggja fram kröfur okkar á friðsaman hátt þá er allt í góðu lagi.

Við skulum minnast þess að enginn getur komist nær markmiðum sínum með ofbeldi af neinu tagi. Ofbeldi kallar á meira ofbeldi og þá er friðnum í samfélaginu úthýst.

Við skulum halda áfram friðsömum mótmælaaðgerðum enda má reikna með að dropinn holar steininn - með tímanum. Sjálfur ætlar Mosi að mæta á Austurvöll n.k. laugardag með sínu fólki og við ætlum að vera ákveðin en auðvitað friðsöm.

Mosi

 

Götubardagar boðaðir í Aþenu

Athugasemdir

[Elías (IP-tala skráð) 12.12.2008 kl. 11:50]

Steinar kosta ekki mikið og ætli það verði þá ekki helst Olís og N1 sem græða á óeirðum. Þeir selja jú bensínið sem er nauðsynlegt í mólótóvkokteila.