Grunsamleg brottför skips

Fyrir um 40 árum síðan var fiskibáturinn Ásmundur leigður til fiskveiða. Í stað þess að veiða fisk sigldu bátsverjar til Niðurlanda og fylltu bátinn af hollenskum séniver og smygluðu til landsins. Eigandi bátsins vissi ekki annað en að bátur hans væri á fiskiríi suður á Selvogsbanka og kom því gjörsamlega af fjöllum þegar lögreglan innti hann um ferðir skips hans.

Spurning er hvort hér sé eitthvað svipað á ferðinni. Í því ólguróti fjármála á Íslandi eru allmargir sem hafa orðið vel loðnir um lófana mjög snögglega. Þeir hafa verið á undanförnum misserum að selja hlutabréf og skipt yfir í evrur eða annan gjaldeyri. Þessi peningaauður getur frosið inni hvenær sem er og spurning hvort ekki sé e-ð grunsamlegt á ferðinni nú eins og fyrir 40 árum. Þá er smygl og ólöglegur innflutningur fíkniefna einnig hugsanlegt rétt eins og á undanförnum árum þegar seglskútur og bílar hafa verið notuð í þeim tilgangi.

Landhelgisgæslan þarf að hafa möguleika á að hafa bæði gott og virkt eftirlit með umferð skipa og flugvéla til og frá landinu.

Mosi

Hélt úr höfn án lögskráningar og trygginga

Athugasemdir

[Sigurður Hreiðar, 18.11.2008 kl. 09:43]

Já, gaman að þú skulir rifja upp Ásmundarmálið. Fyrir utan að vera harmsaga fyrir nokkra helstu aðstandendur er það ein skemmtilegasta innlend sakamálasaga síðari tíma. Svona beinlínis bókmenntalega séð. Kannski væri bara réttast að fara aftur að gera út á sénever. Mao: Hefurðu séð kvikmyndina Reykjavík Rotterdam? Ef ekki ættuð þið hjónin að bregða ykkur í bíó.

[Guðjón Sigþór Jensson, 18.11.2008 kl. 17:18]

Þakka þér sveitungi.

Í æsku minnist eg þessað hafa heyrt að lögregluþjónar þeir sem lentu því verkefni að bera brennivínið úr skipsflakinu við Gelgjutanga í Elliðavogi yfir í lögreglubílana, hefðu sumir hverjir átt viðbakmeiðsli eftir þá vinnutörn. Svo mikið var magnið. Voru allir lögregluþjónarinr fílefldir og vel líkamlega á sig komnir.

Þakka ábendinguna um kvikmyndina.

Mosi