Gamla merki Eimskipafélagsins Þórshamarinn upp!

Þegar Eimskipafélagið var stofnað var ákveðið að leita langt aftur í aldir að finn táknrænt merki fyrir félagið. Fyrir valinu var ævafornt tákn, Swastika, sem rekja má aftur í aldir til forn Indverja. Norræna heitið var Þórshamar og var tákn germanskrar menningararfleifðar og táknaði bjarta og góða framtíð. Þetta tákn var til í ýmsum myndum en sennilega átti þjóðernisflokkurinn þýski meginþáttinn í að gera tákn þetta óalandi og óferjandi meðal þjóða heims. Þýsku nasistunum yfirsást að útfærsla þeirra hafði enga táknræna merkingu nema þeirra eigin enda breyttu þeir tákninu á nokkuð róttækan hátt. Hið forna tákn er kross láréttur og lóðréttur með stuttum örmum. Nasistarnir framlengdu örmunum og hölluðu tákninu um 45 gráður. Það merki hafði enga merkingu efir hinni gömlu indversku speki og því varð þeim ekki kápan úr því klæðinu.

Er ekki kominn tími kominn að leiðrétta miskilninginn?

Meðan Eimskipafélagið flaggaði gamla Þórshamrinum gekk því mjög vel. Eftir að nýja stílfærða E merkið var tekið upp hefur gengið á ýmsu hjá félaginu. Fyrir ári var gengið meira en fertugfalt nafnvirði en nú er það einungis lítið brot úr nafnverði.

Það er því spurning hvort ekki ætti að taka upp gamla góða merkið og flagga því jafnhliða íslenska fánanum til að sýna samstöðu okkar og að við íslendingar erum ekki tilbúnir að gefast upp þrátt fyrir að braskaralýður vilji komast ódýrt yfir eignir bankana okkar eftir að breskur misvitur forsætisráðherra hefur valdið okkur meira tjóni á ögurstund en við öfum setið uppi með á einni öld! Við höfum engu að tapa en allt að vinna og við eigum ekki að láta hugfallast þó í augnablikinu blási kröftuglega á móti frá Downingstræti 10 í Lúndúnum.

Mosi

 

Eimskip flaggar íslenska fánanum

Athugasemdir

[Birkir (IP-tala skráð) 16.10.2008 kl. 14:11]

Það væri nú nær ef íslenska fánanum væri flaggað í skut skipa Eimskipafélagsins frekar en einhverjum erlendum fána. Kannski kominn tími til að skoða það mál og að Eimskip og Samskip flaggi skipunum heim til Íslands.

[Guðjón Sigþór Jensson, 16.10.2008 kl. 14:36]

Sammála! Því miður hafa íslensk stjórnvöld verið mjög sinnulaus varðandi þessi skráningarmál skipa og flugvéla. Auðvitað þurfum við að haga lagaumhverfinu á þann hátt að skipaútgerðir sjái sér hag í að skrá skip hér en ekki erlendis.

Þessi mál hafa margsinnis ratað inn á fundi Alþingis en e-ð gengur illa að vinna úr þessum vanda sem ekki getur talist vera mikill. Þó er líklegt að tryggingamál og skráningamál áhafna komi þar við sögu.

Mosi