Óviðeigandi yfirlýsing alþingismanns

Einkennilegt er að þingmaður í meirihlutastjórn láti fara frá sér yfirlýsingu sem felst í gagnrýni á mikilsverðasta ráðherra samstarfsflokksins. Eiga ráðherrar ekki málfrelsi og mega þeir ekki hafa aðrar skoðanir á málum en Sigurður Kári?

Þetta svonefnda Baugsmál var pólitískt klúður frá upphafi til enda. Það á eftir að verða Sjálfstæðisflokknum til mikilla vandræða. Til þess var efnt af skammsýni og ótrúlegu offorsi. Mög mál ættu að hafa fengið meiri athygli þar sem tilefnið var ærið.

Ekki er útséð  að nokkur hafi hborið tjón af þessumáli nema skattborgarar landsins. Þeir þurfa að borga búsann. Þessi málarekstur hefur kostað offjár, þetta dekurmál eins af forystumönnum Sjálfstæðisflokksins.

Mosi 

Sigurður Kári: Yfirlýsing ráðherra óheppileg

Athugasemdir

[Gunnar (IP-tala skráð) 7.6.2008 kl. 14:00]

Ég skammast mín fyrir að vera sjálfstæðismaður út af þessu máli. Sjálfstæðismenn virðast hafa gleymt grunnreglunum og farið út í að sleikja rassin á hvor öðrum í stað þess að leiða félaga sína á rétta braut og hætta þessari heimsku eins baugsmálið er. Sjálfstæðismenn meiga ekki gleyma sjálfstæðishugsuninni sem snýst um að gefa einstaklingum frelsi til að verða eitthvað og láta gott af sér leiða. þá er Jón Ásgeir holdgerfingur þeirra hugsunar án alls menntasnopps :) 

[Jón Halldór Guðmundsson, 7.6.2008 kl. 14:51]

Ég held að Gunnar hafi alveg rétt fyrir sér.  Svona verk eru ekki í anda sjálfstæðisstefnunnar, eins ágæt og hún er í grundvallaratriðum.

[Guðjón Sigþór Jensson, 7.6.2008 kl. 15:25]

Hver skyldi hafa verið hinn raunverulegi „glæpur“ þeirra feðga sem kenndir hafa verið við Baug? Voru þeir ekki að brjóta upp ákveðna stöðnun í verslunarkerfi sem Sjálfstæðisflokkurinn byggði afkomu sína að einhverju leyti á? Þeir Johannes og Jón Ásgeir gáfu heildsalaveldinu langt nef og hófu að flytja sjálfir inn þær vörur sem þeir töldu að væru hagkvæmastar. Þeir grófu undan heildsalaveldinu sem var einn traustasti bakhjarl sjálfstæðisflokksins. Þeir höfðu mjög góðar viðskiptahugmyndir sem gengu upp. Þeir litu til fyrirmynda erlendis sem olli gríðarlegum breytingum á hag einkum lægri tekjuhópa. Meira að segja Hannes Hólmsteinn helsti sporgöngumaður íhaldsmanna á Íslandi viðurkennir þessa staðreynd og er þá mikið sagt.

Í huga flestra Íslendinga er um að ræða persónulega andúð eins fyrrum forystusauðs Sjálfstæðisflokksins gagnvart þeim Baugsfeðgum. Sá hinn sami hefur oft orðið frægur með endemum en hefur aldrei þurft að svara fyrir afglöp sín þó svo tilefni ætti að vera fyrir hendi. Hann byrjaði sinn pólitíska feril með miklum bægslagangi og mátti t.d. bæjaryfirvöld í Kópavogi leggja sig fram að verjast árásunum. Þá átti að valta yfir lýðræðið því þá þótti það „töff“ og gekk í klappliðið. Eins og kunnugt er tókst Kópavogsbúum að koma í veg fyrir lagningu hraðbrautar eftir endilöngum Fossvogsdal. Til að setja sig inn í þessi kostulegu deilumál þarf að fletta og lesa blöðin frá því um aldarfjórðungi síðan.

Mosi