Aðgát skal höfð

Fyllsta ástæða er til að gefa þessum nýjustu talningum gaum. Hvað hyggjast stjórnvöld gera ef hrefnum og öðrum hvölum fækkar hér á landi?

Ástæðan er augljós: sjávarbotninn er mjög laskaður eftir linnulausar botnvörpuveiðar í heila öld. Allt lífkerfið er meira og minna úr lagi fært. Nú í dag erum við að veiða álíka mikið af þorski og Bretar veiddu árlega fyrir þorskastríðið 1972. Þetta er skelfileg þróun sem óhófleg notkun botnvörpu hefur sök á. Fyrrum voru það skammtímasjónarmiðin um mikinn gróða sem nú er að koma okkur í koll.

Áður fyrr var nóg af fiski og hval, nóg af öllu fyrir bæði þá og okkur mannfólkið. Núna sjáum við ofsjónum yfir þann fisk sem hvalir eta enda sitjum við uppi með ótrúlega eigingirni og skammsýni.

Hvenær kemur að því að við verðum að kannast við gömlu syndirnar og reyna að snúa þróuninni við, að svo miklu sem það er okkur unnt?

Mosi

Hrefnu fækkar á landgrunninu

Athugasemdir

[Sigurður Þórðarson, 27.5.2008 kl. 12:08]

Ég hélt þú ætlaðir að skrifa: "aðgát skal höfð í nærveru sálar"

[Guðjón Sigþór Jensson, 27.5.2008 kl. 12:33]

Unnt er að hafa aðgát í ýmsu öðru en í nærveru sálar. Eigum við t.d. ekki að sýna aðgát í umferðinni svo dæmi sé nefnt?

Mosi

[halkatla, 27.5.2008 kl. 12:35]

heyr heyr

[Bæring (IP-tala skráð) 27.5.2008 kl. 12:59]

Ég get ekki séð hvað er svona slæmt við það að hvölum fækki?

Það er ekki eins og þeir geri heiminum greiða á nokkurn hátt.

[Sölvi Arnar Arnórsson, 27.5.2008 kl. 23:40]

Er Hrefnuvertíðin ekki rétt byrjuð, það er búið að skjóta 2-3 dýr.

Hrefnan er flökkudýr, fer víða í leit af æti.

þú segir Guðjón Jenson. Ástæðan er augljós: sjávarbotninn er mjög laskaður eftir linnulausar botnvörpuveiðar í heila öld. Allt lífkerfið er meira og minna úr lagi fært.

Ég er sjómaður, ég kenni frekar miklum uppsjávarveiðum, og ofverndun Þorksins í áratugi , þorskurinn étur gríðarlegt magn af loðnu og síli.