Krónan er forngripur

Á Víkingaöld var gangsilfur af ýmsu tagi einn helsti gjaldmiðill. Ýmist var silfur talið, slegnir silfurpeningar, eða það vegið. Einnig tíðkaðist að vöruvoðir, kýr og kindur og jafnvel rostungsbein og ísbjarnarfeldir notar í vöruskiptum en það var almennt sjaldgæft. Á miðöldum voru grunneingarnar fiskar, álnir vaðmáls, kýrverð og vættir en það var þyngdareining þegar um skreið og þorskhausa var að tefla.

Í dag kallar fjármálamarkaðurinn ákaft á að gamla krónan verði látin þoka fyrir evru eða öðrum gjaldmiðli. Fá skynsamleg rök er unnt að  færa fyrir því gagnstæða: gamla krónan verður brátt að heyra sögunni til.

Þeir sem vilja halda í krónur geta allt eins fengið þá flugu í höfuðið og haft fiska,vaðmálsalin og þorskhausa sem grunneiningar mín vegna. En öll skynsamleg rök mæla með evrunni og að Íslendingar gangi sem fyrst í Efnahagsbandalag Evrópu. Fyrir almenna neytendur á Íslandi er fátt jafn hagstætt enda myndi verðlag, vextir og sitt hvað fleira verða hagstæðara.

Mosi

„Höfum við efni á því að hafa krónu?“

Athugasemdir

[Gunnar Rögnvaldsson (IP-tala skráð) 16.4.2008 kl. 18:14]

Sælir

Jæja, svo þið haldið að evran sé lausnin á öllu fyrir Íslendinga. Þið eruð að tala um einn ofmetnasta gjaldmiðil í heimi. Gjaldmiðill sem er svo ofmetinn að hér í Evrópu er útflutningur að stöðvast frá Evrusvæðinu. Ferðamannaiðnaður hér í Evrópu mun ekki fá mikið af ferðamönnum í sumar því þeir munu fara til USA og t.d. til Íslands í sumar. Það er nefnilega ódýrara. Erlendir aðilar munu minnka fjárfestingar sínar í EU vegna þess að þeir fá svo lítið fyrir peninginn hér í Evrópu vegna þess að gegni evru er allt allt of hátt. Verslun og viðskipti eru að dragast stórkostlega saman.

Nei, það væri nú munur ef ákvörðun um gegni á gjaldmiðli Íslendinga flyttist niður til Brussel. Þá yrði það eina sem íslenska ríkisstjórnin gæti gert til að ná niður verðbólgu þetta hér:

1) Hækkað alla skatta

2) Hækka gjöld og álögur á nánast allt. T.d. tífalda tolla á bifreiðar og ýmsar innfluttar vörur

3) Lækkað allan skattafrádrátt

4) Sett á synda-skatta

5) Sett á extra lúxus skatt á matvæli

6) Óbeint að hækka atvinnuleysi til að draga úr þenslu og stoppa einkaneyslu. Þetta hefur verið vopnið hérna í 30 ár. Löng löng 30 ár með miklu atvinnuleysi sem ennþá er hátt og allra hæst fyrir ungmenni eða um 20-30% og 7-10% fyrir alla aðra.

Þá yrðu nú allir ánægðir. Þetta myndi henta íslensku þjóðarsálinni svakalega vel, eða hitt þó heldur.

Já sendið bara ákvörðunarvaldið niður til þorskhausana? í Brussel. Til ECB sem er einkaseðlabanki fyrir þýska iðnaðinn only, og engra annarra. Restin getur svo lapið dauðann úr þorskhaus frá Íslandi?

Álverð er í USD

Rafmagn er selt í USD

Olía er verðlögð í USD

Já endilega, fremjið bara þessi elliafglöp - þá mun öllum líða vel

Bestu kveðjur

[Gunnar Rögnvaldsson (IP-tala skráð) 16.4.2008 kl. 18:30]

Í tilefni af þessari umræðu þá vil ég minna á að verð á að eldsneyti, bensíni og olía, hefur aldrei verið lægra hlutfall af tímalaunum almennings á vesturlöndum. Á síðustu 40 árum hafa vesturlandabúar aldrei verið eins fljótir að vinna fyrir einum lítra af bensíni á bíla sína. Sama gildir um útgerðina, sem hlutfall af verði fyrir afla seldum á mörkuðum

Þetta er allrar umhugsunar verðugt.