Stjórnleysi

Nú eru þungaflutningabílsstjórar komnir langt yfir strikið. Þeir haga sér eins og þeir séu litlar mýs og ætli sér að ráðast á ljónið. Þegar það loksins vaknar þá er of seint að komast í skjól. Að mæta á stóru flutningabílunum sínum niður á lögreglustöð er virkilega furðuleg storkun. Spurning hvort lögreglan grípi ekki núna loksins til þeirra úrræða sem henni er heimilt.

Öll þessi mótmæli eru því miður þungaflutningabílsstjórum ekki til framdráttar. Með því að loka mikilvægum umferðaræðum hafa þeir brotið á grófan hátt tvær greinar hegningarlaganna og hafa með því sýnt af sér vítavert kæruleysi. Öll þessi framganga einkennist af engri skynsemi og menn hafa gleymt sér í hita leiksins. Lögreglan hefur sýnt af sér ótrúlega þolinmæði.

Friðsöm mótmæli hafa þann kost í för með sér að þau leiða oftar til betri og skynsamlegri árangurs. Ílla ígrundaður hnefaréttur eins og honum hefur verið beitt þar sem þungaflutningabílsstjórar taka sér lögin í hendur er mjög ámælisvert athæfi sem þeim er hvorki til sóma né framdráttar.

Mosi

Bílstjórar mótmæla við Hlemm

Athugasemdir

[Ásgrímur Hartmannsson, 9.4.2008 kl. 12:26]

Þetta eru friðsöm mótmæli.

[Haraldur Haraldsson, 9.4.2008 kl. 13:37]

Halli gamli segir lika þetta eru friðsamleg mótmæli/hefðirðu ekki lesið sögu okkar sem börðumst herna áður fyrir hækkuðum launum og betri kjara/Halli gamli