Málefni sem varðar allan heiminn

Ljóst er að Þingvallanefnd þarf að vinna að lausn þessa máls í samráði við sérfræðinga UNESCO. Og það er ekkiaðeins endurgerð Gjábakkavegar eða annars vegar sunnar, um Lyngdalsheiði, heldur þarf einnig aðvinna markvisst aðþví hvernig unnt verði að varðveita náttúru þjóðgarðsins Þingvallar sem best. E.t.v. þarf að takmarka umferð almennra ökutækja um þjóðgarðinn meira en sem komið er því að óbreyttu þá má reikna með að umferð vélknúinna ökutækja fari fjölgandi þegar fram líða stundir. Það er ekki einungis umferð bifreiða og annarra ökutækja á landi heldur einnig báta og flugvéla á svæðinu. Ef slys verður, má reikna með umtalsverðri mengun ef eldsneyti fer út í umhverfið. Hraunin eru mjög gljúp og mjög erfitt að hreinsa spilliefni úr jarðvegi. Allt lífríkið er í hættu.

Við Íslendingar erum oft furðu kærulausir og sýnum ekki alltaf heiminum að við séum sérlega skynsamir. Hvers vegna ekki að fá sérfræðinga UNESCO í þjóðgarðsmálum til að styðja og efla þjóðgarðinn?

Mosi

Þingvellir af heimsminjaskrá?

Athugasemdir

[Rúnar (IP-tala skráð) 20.3.2008 kl. 14:47]

En eru það ekki einmitt ágæt rök fyrir góðum vegi á þessum slóðum... fækka mögulegum slysum. Ef bíll td lendir framan á öðrum bíl á þessari kjánalega mjóu vegræmu sem nú liggur gegnum þjóðgarðinn þá hlýtur það að geta haft mjög slæmar afleiðingar í för með sér vegna eldsneytis og olíu mengunar. Betri vegur (færri hlykkir og breiðari vegur) hlýtur að minnka líkurnar á slysum alveg gríðalega...