Einkennileg yfirlýsing

Einkennileg er sú yfirlýsing frá Davíð Oddssyni seðlabankastjóra að nú sé allt í lagi fyrir fjármálastofnanir að gera upp í evrum. Það var öðru nær að ætla mætti að það væri líkt að nefna snöru í hengds manns húsi að íslensk fyrirtæki vildu gera ársuppgjör sín í evrum í stað íslenskra króna. Þessi gjaldmiðill, íslenska krónan, er nánast orðinn safngripur og ætti að umgangast hann sem slíkan. Leggja ber fremur áherslu á að aðalfundir íslenskra hlutafélaga fari fram á íslensku og ársskýrslur þeirra séu á íslenskri tungu svo lengi sem fyrirtækin eru skráð á Íslandi. Opinber stjórnsýsluaðili má ekki undir neinum kringumstæðum leggja steina í götu þeirra fyrirtækja sem haslað hafa sér völl erlendis og sækja nú þaðan megnið af tekjum sínum. Á síðasta ári fóru aðalfundir a.m.k. tveggja íslenskra fyrirtækja fram á ensku þó þeir væru háðir á Íslandi, þ.e. Exista og Kaupþing.

Á undanförnum mánuðum hefur gengi hlutabréfa fallið mjög mikið m.a. vegna óhóflega hárra stýrivaxta sem Seðlabankinn ákveður. Háir vextir er mikill hemill á þróun hlutabréfamarkaðarins og veldur fyrirtækjunum mjög þungum búsifjum. Nær hvarvetna í nágrannalöndunum eru stýrirvextir lækkaðir.

Núna bætist það við, að við gerð kjarasamninga er ein mikilsverðasta hindrunin að stýrirvextir eru allt of háir. Ætlar Seðlabankinn að stefna því mikilvæga starfi í uppnám? Ófriður á vinnumarkaði hefur alltaf reynst íslensku atvinnulífi já öllu íslensku samfélagi mjög illa og hefur ætíð dregið dilkm á eftir sér.

Það er því krafa Mosa að annað hvort lækkar Davíð Oddssons ofurbankastjóri Seðlabanka Íslands stýrirvextina - eða hann segir af sér og það STRAX!

Mosi

Ekki ákvörðun Seðlabankans að heimila ekki uppgjör í evrum

Athugasemdir

[Haraldur Haraldsson, 14.2.2008 kl. 21:29]

þetta kveður vel að hjá Mosa,!!!!!skyldi Davíð hræðast/Kveðja Halli gamli

[Guðjón Sigþór Jensson, 15.2.2008 kl. 08:15]

Davíð sá gamli stjórnmálarefur hefur vit á að sitja sem fastast. Það er ótrúlegt að enginn hefur treyst sér að skrifa blogg í um 6 klukkutíma um þessa yfirlýsingu Davíðs. Hefur hann þvílík hreðjatök á Sjálfstæðisflokknum? Eg hélt að þeir sem standa með flokki þessum vilji gjarnan vilja vera sjálfstæðir. Eða eru þeir fremur ósjálfstæðir? Óvirkt klapplið nema þeim sé sagt að klappa, eða baula á Ólaf Ragnar?

Sjálfs þín höndin hollust er! Við eigum að sýna að við erum frjálsir borgarar með okkar sannfæringu, okkar skoðanir en eigum ekki að segja okkur fyrir verkum!

Mosi