Erfiðleikatímar framundan?

Landsvirkjun býr sig undir lokareikninginn

Nú eru framundan mjög varhugaverðir tímar: í þeim ólgusjó sem nú geysar á fjármálamarkaði heims eru góð ráð dýr. Landsvirkjun þarf að styrkja fjárhag sinn allverulega enda eru mikil og umdeild framkvæmdaár að baki. Þó Kárahnjúkavirkjun sé nær tilbúin er eftir að gera verkið fjárhagslega upp. Reikna má með allverulega hærri lokareikning frá ítalska fyrirtækinu en lagt var upp með fyrir réttum 5 árum. Margt bendir til þess að næstu misseri verði Landvsirkjun mjög erfið fjárhagslega. Lán þetta er tekið með þeim kjörum sem nú einkennir alþjóðlega lánsfjárkreppu og oftast hefur Landvirkjun fengið hagstæðari kjör en að þessu sinni.

Fyrir 5 árum var fjárhagur Landsvirkjunar mjög traustur. Þá voru skuldir óverulegar og tekjur stöðugar, sem sagt fjárhagurinn stóð í miklum blóma. En öfgar stjórnmálanna láta ekki eftir sér bíða og fyrirtækinu var att út í þessar umdeildu framkvæmdir með ákvörðunum stjórnmálamanna sem höfðu slík hreðjatök á þjóðinni að undrum sætti. Álverð stendur að vísu nokkuð hátt um þessar mundir sem hefur góð tíðindi fyrir Landsvirkjun hvað orkuverð varðar. En hversu lengi verður það? Með vaxandi framleiðslu á áli má vænta þess að markaðurinn mettist og verð fari aftur lækkandi.

Þá verður arðsemin því miður mun verri en hún virðist vera nú í dag.

Mosi 

Landsvirkjun gefur út skuldabréf fyrir 6,3 milljarða

Athugasemdir

[Haraldur Haraldsson, 8.2.2008 kl. 17:39]

Heldur maður þá ekki að það minki áhugin á að selja Landsvirkjun eins og sumir vilja???Halli gamli

[Guðjón Sigþór Jensson, 8.2.2008 kl. 17:45]

Ekki er útilokað að Impregilo taki Landsvirkjun upp í skuld. Við stöndum ekki vel á móti þessu öfluga fyrirtæki sem er ekki síður með ötula og gríðarlega marga lögfræðinga en duglega verkfræðinga.

í viðskiptum sem þessum er ekkert „elsku amma“. Þetta er grjótharður sálarlaus bisniss.

Mosi 

[Gunnar Th. Gunnarsson, 9.2.2008 kl. 05:17]

Það er eðlilegt að ólga á alþjóðlegum fjármálamörkuðum skili sér hingað. En spá þín um að álmarkaðir mettist og verð fari lækkandi er ekki í samræmi við spár álfyrirtækjanna. Vissulega er framleiðslan að aukast en þó ekki meira en eftirspurnin. Mörgum gömlum álverum hefur verið lokað þar sem ekki hefur fengist orka í ný og endurbætt álver.

[Guðjón Sigþór Jensson, 9.2.2008 kl. 18:22]

Spár álvyrirtækjanna: það er nefnilega það! En hvað segja álkaupendur? Og hvernig eru horfur með álmarkaði um næstu misseri?

Ef Íraksstríðið stoppar skyndilega, t.d. vegna þess að Bandaríkjamenn vilja gjarnan draga sig út úr þessari stríðsdellu þá má fyllilega reikna með að eftirspunr eftir áli snarminnkar. Ál er í dag mjög mikilvert hráefni í sprengjur af ýmsu tagi og þegar þörfin á þeim snarminnkar, ja hvað gerist þá? Má ekki reikna með að framboð á áli verði jafnvel meiri en eftirspurnin? Þá þarf ekki að velta framhaldinu meira fyrir sér. Þess má geta að meginhluti framleiðslu Alcoa á áli fer í umdeildan hergagnaiðnað. Skítt er aðvera tengdur þeirri ólukkans framleiðslu.

Mosi