Mismunandi fjárfestingasjónarmið

Við sjáum að þarna kemur fram mjög mismunandi sjónarmið við fjárfestingu. Annars vegar er allt of algengt að fjárfestar vilji hala inn skyndigróða en sitji síðan uppi með tap vegna þess að þeir þurftu að selja aftur til að geta staðið í skilum. Uppgangur íslenska hlutabréfamarkaðarins á undanförnum árum er vegna þessara sjónarmiða: fjárfest er með nokkurri vissu að hlutabréfin sem keypt voru hækki verulega. Þá gerist það að vegna einhverra óvæntra atvika verður til gríðarlegur lánsfjárskortur og þá verður til það sem nefnt hefur verið skortsala. Fjárfestar hafa fjárfest fyrir lánsfé og bankarnir hafa tekið hlutina að veði. Þá gerist það að hlutabréf rýrna í verði og þar með veðið. Keðja niðursveiflu á hlutafé verður þegar bankarnir vilja fá lánsféð til baka eða betri veð.

Langtímafjárfestirinn er ekki að hugsa um þessar sveiflur. Hann á hlutabréfin jafnvel alveg skuldlaus og er því rólegur þó svo aðveruleg lækkun verði á þeim. Hann bíður rólegur, fjárfestir e.t.v. smávegis og einhvern tíma kemur að því að Eyjólfur hressist svo framarlega sem fyrirtækin séu rekin með einhverju viti og að fjárhagur þeirra og umsvif eru nægjanlega traust. Langtímafjárfestirinn kemur yfirleitt betur út í sínum fjárfestingum en braskarinn sem kaupir og selur, oft mjög tilviljanakennt, hann kannski græðir um stund en tapið verður oft margfalt meira.

Mosi

FL Group hefur selt í Commerzbank

Athugasemdir

[Sigurður Eggertsson, 16.1.2008 kl. 14:43]

Athugasemd þín á bloggið mitt var svo uppfull af jákvæðni og manngæsku að helst vildum við fjölskyldan að þú tækir okkur í fóstur.

[Guðjón Sigþór Jensson, 16.1.2008 kl. 16:32]

Sæll Sigurður

Vonum aðeins að þið náið að finna lausn á þessum vandkvæðum. Það hlýtur að vera einhver skýring á þessu.

Kveðja

Mosi

[María Kristjánsdóttir, 17.1.2008 kl. 08:31]

Þú minnir mig á að það fer verða nauðsynlegt að sækja einsog hálf þjóðin einhver námskeið í viðskiptafræði! En annars sögðu ekki bandaríkjamenn erinhvern tímann í fyrra að Hannes væri verðbréfasali ekki fjárfestir?

[Guðjón Sigþór Jensson, 17.1.2008 kl. 10:52]

Gott er að hafa einhverja lágmarksþekkingu í þessum málum. Jafnvel fjárfestar sem sagðir eru fundvísir á fólgið fé, verða oft fyrir skakkaföllum ekki síður en hinir.

Mosi