Valdið spillir

Sigurður Líndal hittir naglann beint á höfðuð þegar hann segir að ofsatrúarhópur sé núna við stjórnvölinn á Sjálfstæðisflokknum (sjá grein hans í Fréttablaðinu í dag, 15.1.). Völdin spilla og nú fer að verða nóg af því góða. Valdagleðin er að hlaupa með menn í gönur. Ef áfram heldur sem fram horfir, verður lýðræði á Íslandi aðeins til í sögubókum.

Óskandi er að næsti landsfundur Sjálfstæðisflokksins finni og velji betri og lýðræðissinnaðri stjórnendur en þá sem nú virðast ráða ferðinni. Þeir virðast ekki kunna sér hóf og þeir hafa farið og oft langt yfir strikið.

Mosi

Embættisveitingar innan marka

Athugasemdir

[Jens Guð, 15.1.2008 kl. 22:38]

  Orð Sigurðar vega þungt,  því að hann er að gefa einkunn því sem snýr að embættisfærslum flokksbræðra hans og vina.  Það sama má reyndar segja um gagnrýni eins matsnefndarmanna,  Péturs Kr. Hafstein.  Drengurinn sem málið snýst um,  Þorsteinn Davíðsson,  var launaður starfsmaður forsetaframboðs Péturs.  Það er ágætur vinskapur á milli þeirra.  En Pétur er það heiðarlegur fagmaður að hann fordæmir lágkúrulega embættisfærslu Árna.

[Guðjón Sigþór Jensson, 15.1.2008 kl. 23:08]

Pétur hefur ætíð þótt mjög nákvæmur embættismaður. Þegar hann var sýslumaður á Ísafirði hefði mátt segja um embættisfærslu hans á svipaðan hátt og þegar sýslumannsembættið var tekið út öld áður en þá var sá frægi Skúli Thoroddsen þar: Optima forme - í besta ástandi! Störf hans í Hæstarétti þóttu vönduð enda var hann mjög farsæll í sínu embætti.

Einhverjir gárungar meðal júrista höfðu einhverjar glósur á hann sem Mosi man ekki lengur. Þær geta varla verið merkilegar.

Merkilegt ef ÞD hafi verið launaður starfsmaður framboðs PH við forsetakosningarnar 1996!

Mosi