Skynsamleg ákvörðun

Þegar Norðmenn hófu að senda okkur Íslendingum jólatré 1951 var Ísland nánast skóglaust land. Frá miðri síðustu öld hefur verið plantað trjáplöntum í hátt í 50.000 hektara lands eða um 500 km2. Og vöxtur grenitrjáa af erlendum uppruna hefur verið með ólíkindum, vöxtur hér á landi gefur vextinum í upprunalandinu lítið eftir.

Í dag eru víða tré komin í 25 metra hæð og dæmi um jafnvel meiri vöxt. Ísland er í barrskógabeltinu þar sem vöxturinn fer eftir ýmsum náttúrulegum aðstæðum, úrkomu, hita, vindum, birtu og jarðvegi. Og víða þarf að grisja, við eigum víða góð torgtré og það kostar ekki nema brot af kosnaðinum að koma jólatré alla leið frá Skandinavíu. Og ekki má gleyma að með óþarfa innflutningi jólatrjáa er alltaf mikil hætta af innflutningi óæskilegra „fylgifiska“ skaðleg skordýr sem auka álag á varnarmátt ungskóganna okkar.

Norðmenn vilja breyta „jólagjöfinni“ eða öllu heldur jólatrénu. Þeir vilja bæta okkur þetta með aukinni menningu og því ber að fagna.

Noðmenn hafa mjög góða og fjölbreytta menningu bæði á sviði bókmennta, tónlistar og fleiri lista. Eg fagna því að fá meira að heyra og sjá frá því góða og fagra landi Noregi.

Íslendingar fá ekki fleiri jólatré

Athugasemdir

[Jóhann Elíasson, 8.4.2014 kl. 20:08]

En það er alveg ágætis vöxtur á grenitrjám í Bretlandi.  Mér finnst að náttúruverndarsjónarmið þeirra Norðmanna ættu að vera jafngild hvar sem er í Evrópu..............

[Úrsúla Jünemann, 9.4.2014 kl. 22:57]

Við eigum fullt af fallegum trjám hér á landi núna til dags. Til hvers eru menn að væla um að fá ekki norsk jólatré á Austurvöll?