RÚV á rangri leið

Í gærkveldi 13.12. mátti sjá eitthvað það dapurlegasta sem RÚV hefur sýnt. Niðurlæging tveggja kvenna í beinni útsendingu í svonefndum Hraðfréttum sem betur væru nefndar fíflafréttir ber niðurskurðaráætlun ráðamanna á RÚV ekki fagurt merki. Þarna var hæðst bæði að þingmönnunum Katrínu Júlíusdóttur og Freyju Haraldsdóttur sem allir vita er mjög fötluð og þarf mikla aðstoð. Að hæðast að fötlun fólks og lítillækka það er mjög furðulegt og sérstaklega ámælisvert. Að telja að þetta sé fyndið held eg að þurfi að vera á ansi lágu menningarstigi.

Þessar fíflafréttir ættu að vera efst á blaði hvað eigi að strika út. Það er dæmigert að allt sem vel hefur verið gert hjá RÚV á að rífa niður en láta það vera sem einhver þröng hagsmunaklíka vill halda að þjóðinni. Þessi klíka vill bola í burt öllum sem ekki dansa eftir þeim nótum sem þeir vilja. Og allt frelsið á að vera stillt af þessum sjónarmiðum.

Hvað verður næst: Verður Kastljósinu og Speglinum fleygt til að koma að meira af fíflalátum í þágu hagsmunaklíku Sjálfstæðisflokksins og Framsóknarflokksins?

Við skulum huga betur að lýðræðinu. Kannski komst það lengst á ríkisstjórnarárum Jóhönnu. 

Ætlar að skrúfa fyrir Rás 1 og Rás 2

Athugasemdir

[corvus corax, 14.12.2013 kl. 08:28]

Þeir sem sjá um þessa fíflagangsþætti í sjónvarpinu hljóta að vera úr stuttbuxnadeildinni enda eftir útvarpsstjóra að láta allt annað en fagleg sjónarmið ráða hjá stofnuninni.

[Helgi Þór Gunnarsson, 14.12.2013 kl. 09:45]

Sæll Guðjón, þetta með uppsagnir á RUV er mjög dapurt innlegg í Íslandsöguna, það hlýtur að vera til betri leið til að spara, mér hefur funndist bölvuð skítalikt af öllu innan RUV, sem og öðrum ríkisstofnunum.

Kær kveðja frá Eyjum.

[Teitur Haraldsson, 14.12.2013 kl. 11:55]

Ef lýðræði á íslandi stendur og fellur með Rúv, þá er illa fyrir því komið.

En það auðvita skiptir engu hvað ríkistjórnin gerir, þú munt aldrei sjá neitt nema slæmt.

[Guðjón Sigþór Jensson, 14.12.2013 kl. 22:54]

Satt best að segja veit eg eigi á hvaða leið Páll Magnússon er. Sennilega myndi faðir hans vera gráti næst að horfa upp á svona eins og mátti sjá í hraðfréttum stuttbuxnadeildar Sjálfstæðisflokksins.