Gríðarleg dýr björgun

Sennilega hefði verið ódýrara hefði þetta brennandi skip sokkið fljótlega eftir að áhöfninni hafði verið bjargað. Áhöfn Þórs sem og slökkviliðsmenn eru væntanlega allir á áhættutaxta sem bætist við föst laun.

En hér er einnig um mjög dýrmæta reynslu að ræða sem erfitt er að meta til fjár. Hinir ýmsu kostir þessa góða varð- og björgunarskips hafa sýnt sig og sannað. Og áhöfnin hefur öðlast dýrmæta reynslu.

Líklegt er að meginkostnaður björgunar lendi á tryggingafélagi skipsins alla vega að einhverju marki. Það má  vera mildi að ekki hlaust nein slys af og sérstaklega þegar í ljós kom eftir að skipið hafði verið dregið inn í Hafnarfjarðarhöfn hafi enn logað miklir eldar í því. Þegar slökkviliðið opnar einhverjar dyr eða op, streymir súrefni inn að eldinum. Súrefni er eitt af þrem meginforsendum elds, aðrir eru að sjálfsagðu hiti og eldsmatur.

Þá var umtalsverð hætta á sprengingu og það var að öllum líkindum rétt mat slökkviðliðsstjóra að láta draga skipið út úr höfninni og á stað þar sem áhætta var lágmörkuð. Sennilega hefði verið skynsamlegra í upphafi að draga skipið inn í Straumsvíkurhöfn fremur en Hafnarfjarðarhöfn eftir á litið og er undarlegt að sú höfn sé ekki talin að öllu jöfnu betri og æskilegri fremur en Hafnarfjarðarhöfn. 

Þyrlan flaug með búnað til Þórs

Athugasemdir

[Karl J. (IP-tala skráð) 2.11.2013 kl. 21:29]

Ætli höfnin í Straumsvík sé einkahöfn? Svo yrði það örugglega ekki vinsælt að teppa hana með sokknu skipi.

[Guðjón Sigþór Jensson, 3.11.2013 kl. 13:17]

Straumsvíkurhöfn var byggð með gríðarlegum tilkostnaði á kostnað ríkisins. Við byggingu hafnarinnar komst þýski verktakinn Hochtief að útboðsgögnin voru meingölluð. Við ítarlegar rannsóknir var mýrarjarðvegur undir tiltölulega þunnu hraunlagi sem ekki mkom fram í útboðsgögnum. Fyrir vikið varð höfnin mun dýrari en ella því fjarlægja þurfi mýrarjarðveginn og aka meira af góðu efni í staðinn.

Mér er ekki kunnugt um að Ísal hafi fengið höfnina öðru vísi en til afnota. Það eru einmitt svona framkvæmdir sem setja allar fjárhagsáætlanir í uppnám. Vegna þessa verksamnings urðu gríðarleg málaferli sem má lesa í dómasafni Hæstaréttar fyrir þá sem það nenna.