Hákarlaveiðar

Þá er komið að því að Sérstakur saksóknari gefi ákærur út á hvern hákarlinn á fætur öðrum. Ákæran er fremur stutt eða einungis 4 síður mun styttri og gagnorðari en gegn Sigurði Einarssyni & Co hérna um árið og illa gekk að fá hingað til lands til að standa reikningsskap gerða sinna.

Nú er komið að Bjarna Ármannssyni þeim sama og spyrti saman fjárfestingarbanka og viðskiptabanka sem að sögn kunnáttumanna í bankamálum gangi ekki upp vegna þess hve eðli þessara mismunandi banka er ólík. En kannski að sameining Fjárfestingabankans þar sem Bjarni var fyrst bankastjóri og Íslandsbanka sem var viðskiptabanki og fyrri bankastjórar hraktir frá störfum.

Vonandi gengur Sérstökum hákarlaveiðarnar vel asð veiða í net réttvísinnar. Oft er þörf en nú nauðsyn.

Góðar stundir! 

Bjarni ákærður fyrir röng skattframtöl

Athugasemdir

[Guðmundur Ásgeirsson, 4.2.2013 kl. 22:47]

Það var þannig sem þeir náðu að koma Al Capone í fangelsi. Fyrir skattalagabrot.

[Guðjón Sigþór Jensson, 6.2.2013 kl. 11:44]

Jú rétt er það. Þó vísbendingar lögreglu væru margar um morð og ofbeldi, þá var það fyrst og fremst skattalögreglan sem kom þessum fræga afbrotamanni í fangelsi.

Annars eru „hákarlanir“ okkar fyrst of fremst aðilar sem hafa rakað saman fé á vægast sagt mjög ógeðfelldan hátt og lifa eins og gamlir einræðishöfðingjar frá Afríku.