Sofandi kapteinar

Vont er að sofna í vinnunni. Sérstaklega er ámælisvert þegar kapteinninn, yfirmaður skips sofnar og allt fer í vitleysu.

Svo virðist að þetta sé mun algengara en vitað hefur verið um fram að þessu. Versta dæmið er þegar kapteinninn á „Þjóðarskútunni“ steinsvaf í brúnni vikum og jafnvel mánuðum saman. Réttarhöldin gegn Geir Haarde fyrir Landsdómi voru mjög upplýsandi um hvað gerðist en fram hafði komið í skýrslu Rannsóknarnefndar Alþingis um bankahrunið að ýmislegt var mjög ámælisvert.

Óskandi verða gerðar ráðstafanir til að koma í veg fyrir að kapteinar séu almennt sofandi í vinnunni. Þeir bera mikla ábyrgð, bæði á áhöfn, skipi og farmi.

Því miður eru Íslendingar ósköp duglausir að láta menn bera ábyrgð þrátt fyrir að þeir beri meira úr býtum en aðrir, m.a. vegna aukinnar ábyrgðar. Og svo reynist þessi „ábyrgð“ hvorki fugl né fiskur.

Góðar stundir.

Sofnaði við stjórnvölinn

Athugasemdir

[Marteinn Sigurþór Arilíusson, 14.12.2012 kl. 18:13]

Það færi betur að komma kvikindin sem stjórna þjóðarskútunni í dag hefðu sofnað fyrir tæpum fjórum árum og væru sofandi enn.Þá værum við mun betur sett í dag.

[Kolbrún Hilmars, 14.12.2012 kl. 18:19]

Guðjón, hrunstjórnin hafði tvo kapteina í brúnni.  Það kann ekki góðri lukku að stýra - myndu sjómenn segja.  Enda fór það eftir.

[Guðmundur Ásgeirsson, 14.12.2012 kl. 21:00]

Er hægt að fremja tryggingasvik með því að "gleyma" að kveikja á vökustaurnum og "sofna" óvart eftir að hafa tekið stefnu upp í fjöru? Labba svo þurrum fótum í land og hinkra eftir þyrlufari heim? Hmmm....

[Guðjón Sigþór Jensson, 15.12.2012 kl. 20:52]

Marteinn: eru þessi glaðvakandi „kommakvikindi“ mun þarfari íslensku þjóðinni en steinsofandi „íhaldskvikindin“ þín sem gerðu ekkert nema hirða himinhá laun. Þau reyndust íslensku þjóðinni verr en engin. Við hefðum alveg eins getað haft mynd af Jóni Sigurðssyni eða Hannesi Hafstein sem íslenska borgarastéttin dýrkar meir dauða en lifandi.

Kolbrún: þessir tveir kapteinar hafa reynst okkur vel.

Sammála þér Guðmundur. Kannski það hafi verið eins gott að þeir hafi munað símanúmerið 112 til að panta þyrluna að sunnan að sækja sig.