Að koma SÉR undan skatti

Útrásarvarganir og fjárglæframenn reyndu allt hvað þeir gátu að koma sér undan skattgreiðslum hér á landi. Oft hefur reynt á hvar menn væru raunverulega búsettir. Hátekjumenn hafa reynt allt til að koma sér undan skattgreiðslum og höfðu meira að segja sér mjög vilhalla stjórnmálamenn sem höfðu skilning á að hátekjumönnum ætti að hlífa umfram ungu lágtekjufólki sem er að basla við að koma sér upp húsnæði fyrir sig og börnin sín ásamt eldri borgurum sem hafa þurft að greiða að tiltölu mjög háa skatta.

Þessir hátekjumenn hafa ekki viljað taka þátt í rekstri þjóðfélagsins en vilja eftir sem áður njóta þess.

Þessir hátekjukarlar hafa enga samúð. Það hefur þurft að auglýsa eftir þeim hjá Interpol svo að þeir mættu í réttarhöld. Af þeirra sjónarhóli er íslenska ríkið eitthvað sem álíka virði og skíturinn.

En nú er loksins að komast skikk á þessi mál. Vonandi!

Jón heimilisfastur á Íslandi

Athugasemdir

[jóhanna (IP-tala skráð) 6.12.2012 kl. 20:35]

G.S.Jensson

Ert þú virkilega svo bjartsýnn að halda að hlutirnir séu að komast í "skikk" á Íslandi?

Vonandi er þetta rétt hjá þér en ég trúi því "ekki". Ísland og útrásarvíkingar Því miður þeir geta ekki slitið naflastrenginn, því það vantar skærin. (Vandað réttarfar á íslandi.) Okkar s.saksóknari er nú dálítið í seinni kantinum. Sem örugglega er útaf því að ekki svo margir yfirmenn í hinu íslenska samfélagi vilja að sannleikurinn líti dagsins ljós. Þá gefur auga leið að s.saksóknari fær takmörkuð fjárráð til að fylgja sínum málum eftir. Sem sagt skítalykt af málunum. Ég segi eins og G.Haarde: Guð blessi Ísland. Var það ekki Ísland sem guð gleymdi???

[Guðjón Sigþór Jensson, 7.12.2012 kl. 12:12]

Verðum við ekki Jóhanna að treysta því að rannsóknaryfirvöld séu á réttri leið að upplýsa sem mest og koma lögum yfir þessa þokkapilta sem létu græðgina draga sig út í fenið? Eva Joly var ánægð með frammistöðu okkar fólks.

Eg treysti betur þessum aðilum en klisjumanninum Geir Haarde. Hann ber ábyrgð á sinn hátt: Hann var fjármálaráðherra á dögum einkavæðingarinnar og maðurinn er annað hvort gjörsamlega blindur og heyrnarlaus hafi hann ekki orðið var við eitthvað grunsamlegt og að ekki var allt með felldu. Eða gjörsamlega siðblindur sem sitthvað bendir til.

Góðar stundir.