Breski þingmaðurinn ætti að vera rólegur

Eftir að bresk yfirvöld beittu hermdarverkalögunum á Íslendinga haustið 2008 voru allar eignir og innistæður íslensku bankanna frystar. Í Englandsbanka er þetta mikla fé varðveitt á ENGUM vöxtum! Credit og debet á þessum inn- og útlánum eru mjög áþekk þannig að ætti að vera nóg fyrir Icesave skuldunum.

Hefði Ólafur Ragnar ekki með inngripi sínu í ákvörðun 70% meirihluta á Alþingi, þá væru öll þessi erfiðu mál öll afgreidd og þar með úr sögunni. Ólafur vildi afla sér vafasamra vinsælda með tilfinningaþrunginni ákvörðun sinni eftir enn tilfinningalegri mótmæli og andófi á einhverjum umdeildum þjóðernislegum sjónarmiðum.

Þessi mikla fúlga fer ekki út úr Englandsbanka að svo stöddu. Breski íhaldsþingmaðurinn ætti að vera rólegur og ekki falla í sömu gryfju og þröngsýnari hluti Íslendinga með Ólaf Ragnar í broddi fylkingar.

Annars er furðulegt að breski þingmaðurinn blandi saman ólíkum málum sem aðildaviðræður við EBE og Íslendinga eru annars vegar, hinsvegar einkennileg millilandadeila milli Breta og Hollendinga við Íslendinga hins vegar.

Ljóst er, að breski íhaldsmaðurinn spilar á ómerkilegt lýðskrum sem alltaf hefur komið mönnum í koll síðar.

Góðar stundir en án lýðskrums!

Vill stöðva greiðslur til Íslands

Athugasemdir

[Hreinn Sigurðsson, 7.3.2012 kl. 14:35]

"Hefði Ólafur Ragnar ekki með inngripi sínu í ákvörðun 70% meirihluta á Alþingi, þá væru öll þessi erfiðu mál öll afgreidd og þar með úr sögunni" Mundu hvernig lýðræðisleg atkvæðagreiðsla um málið fór. Ef helferðarstjórninni hefði tekist að negla þjóðina á icesave krossinn Þá værum við að borga tugi milljarða í vexti á ári.

Þér ferst að brigsla öðrum um ómerkilegt lýðskrum. Það er ótrúlegt hvað "vinstri" mönnum virðist umhugað að láta skattborgara á Íslandi borga icesave. Icesave málið snýst um hvort almenningur í landinu er ábyrgur fyrir skuldum örfárra óreiðumanna. Það á ekki að ríkisvæða skuldir úr einkarekstri!!

[Ingibjörg Guðrún Magnúsdóttir, 7.3.2012 kl. 16:53]

Algjörlega sammála þér Hreinn.

[Guðjón Sigþór Jensson, 7.3.2012 kl. 17:37]

Hreinn og Ingibjörg:

Í þessu Icesave máli kaus meirihlutinn með tilfinningunum en ekki skynseminni. Forsetinn afvegaleiddi þjóðina, því miður verður að segja það. Í vörslum Englandsbanka eru nægir fjármunir til að borga Icesave. Þetta fé var fryst með hermdarverkalögunum og er vaxtalaust og það vissi eða mátti Ólafur Ragnar vita allan tímann.

Mosi

[Hreinn Sigurðsson, 7.3.2012 kl. 23:55]

Ekki tilfinningum Guðjón heldur PRINSIPPI þ.e. að ekki eigi að ríkisvæða skuldir einkafyrirtækja, það að ríkisvæða skuldir eða tap einkafyrirtækja er sósélismi andskotans. Ef það er skynsemi að borga skuldir annarra, þá ætla ég að biðja þig um að vera skynsamur Guðjón þú getur byrjað á bílaláni nágrannans eða yfirdrætti einstæðu móðurinnar.