Furðulegur sparnaður

Að nota iðnaðarsalt í matvælavinnslu í stað þess að nota salt sem æskilegt er að nota í matvæli er furðulegur sparnaður. Yfirleitt þarf mjög lítið magn salts í matvælaframleiðslu og verðmunurinn á matvælasalti og iðnaðarsalti getur ekki verið það mikill að tekinn sé sú áhætta að framleiðslan sé metin óhæf til manneldis.

Það er heimska að ætla sér að spara örfáa aura en taka áhættu að matvælaframleiðslan verði metin óhæf til neyslu.

Iðnaðarsaltið er talið vera 99% hreint salt og því er 1% önnur efni í saltinu. Hvaða efni kunna að vera í þessu eina prósenti kann að skipta sköpum hvort matvæli séu hæf til manneldis eður ei.

Mjög ámælisvert er af innflytjenda að flytja í stórum stíl þetta salt sem er lakara að gæðum en salt til matvælaframleiðslu. Kannski hann hafi fengið það með sérkjörum?

Þess má geta að fyrir rúmlega hálfri öld var efnt til glerverksmiðju í Vogunum í Reykjavík. Byggt var stórt verksmiðjuhús og fluttur var inn stór haugur af gleri sem við krakkarnir höfðum gaman af að brölta upp á. Þarna var leiksvæði okkar í Vogunum. Síðar kom í ljós að í verksmiðjunni var gríðarlegt magn arseniks sem ögn af þurfti til framleiðslunnar. Magnið gat dugað í um 500 ár miðað við hámarksafköst verksmiðjunnar. Þetta mikla magn gat hins vegar strádrepið alla íslensku þjóðina margsinnis eins og hún lagði sig. Aðspurður kvað aðstandandi hins mislukkaða atvinnurekstrar hvers vegna þetta mikla magn af arseniki var flutt inn: Það var svo ódýrt!

Kannski iðnaðarsaltið hafi verið svo ódýrt að hægt væri að marggræða á því!

Góðar stundir! 

Iðnaðarsaltið ekki hættulegt

Athugasemdir

[Brynjar Þór Guðmundsson, 20.1.2012 kl. 21:25]

"Iðnaðarsaltið er talið vera 99% hreint salt og því er 1% önnur efni í saltinu. Hvaða efni kunna að vera í þessu eina prósenti kann að skipta sköpum hvort matvæli séu hæf til manneldis eður ei?"  Borðsalt er líka 99% en þetta 1% sem þú ert að tala um eru önnur næringarefni svo sem Járn, sink og önnur næringarefni sem eru í hafinu(þanginu) en einnig er í borðsalti efni sem varna því að það kekkist.

 "Kannski iðnaðarsaltið hafi verið svo ódýrt að hægt væri að marggræða á því!" Dreg það stórlega í efa,Iðnaðarsöltin (matarsaltið og hitt sem fréttin snír að) er hreinsað og unnið eins, munurinn liggur í tóllinum en salt sem er æltað til manneldis og það sem er ætlasð til annars iðnaðar svo sem fatagerð er ekki tolllagt lægra í flestum löndum. Þar fyrir utan þá er verðmunurinn á saltinu aðeins 20%. Auðvitaðer þetta klaufaleg mistök af hálfu ölgerðarinnar en þetta salt er framleitt í "matvælastandard" en ætlað til framleiðslu td á fatnaði og dýrshúðum og þessvegna er það ekki vottað.

[Guðjón Sigþór Jensson, 22.1.2012 kl. 17:01]

Fyrir nokkru varð vart við þungamálminn kadmíum í áburði. Þungamálmar sem snefilefni eru alltaf varhugaverð og gildir engu hversu magnið er mikið eða lítið.

Hvað er í þessu eina prósenti skiptir miklu að ENGIR þungamálmar séu þar fyrir hendi.

[Brynjar Þór Guðmundsson, 23.1.2012 kl. 20:14]

 "Hvað er í þessu eina prósenti skiptir miklu að ENGIR þungamálmar séu þar fyrir hendi."

Þú ert nú meiri sauðurinn Guðjón. http://www2.lydheilsustod.is/vitamin#Hvad_eru_steinefni?

Síðast þegar ég athugaði þá hétu "þungmálmar" í óbundnu formi steinefni, án þeirra getur líkami þinn ekki unnið en td notar líkaminn þinn járn til að skapa rauð blóðkorn og án járns deyrðu úr blóðskorti

"Áhugamaður um félagsmál, sagnfræði, orkumál, náttúrufræði og umhverfismál. Átti þátt í að stofna Umhverfis- og náttúrufræðifélags Mosfellsbæjar " Síðast þegar ég athugaði þá var næringarfræði hluti að Náttúrufræði. Hefði haldið að allir þeir "áhugamenn"(hvað svo sem það þýðir) myndu vita grunnin. Alla veganna þá hefði maður haldið það.

Annað sem inniheldur 99% en það er áróður, áróður =99%lýgi + 1% sannleikur

[Guðjón Sigþór Jensson, 24.1.2012 kl. 08:48]

Mér finnst þú Brynjar vera efnilegur liðsmaður í þrætubókalist sem lengi hefur verið stunduð í Evrópu og sjálfsagt víðar.

Auðvitað eru þungmálmar varhugaverðir í fæðu og gildir einu þó þetta orð virðist hafa fleiri en eina merkingu sbr. tilvísun þá sem þú vísar í. En hvað segirðu um kadmíum það sem var töluvert af í áburðinum sem Skeljungur flutti inn? Viltu óheftan innflutning á ÖLLUM efnum hvort sem þau eru varhugaverð eður ei?

Það er hlutverk félaga og stofnana eins og Lýðheilsustöðvar að fylgjast gjörla með að í fæðunni séu engin varhugaverð efni í því magni sem talin eru vera óæskileg.

Annars er gróðafíknin oft það mikil að innflytjendur vilja helst síðastir allra vita um skaðsemi vara þeirra sem þeir flytja inn.

Um þessa útreikninga þín á lyginni og sannleiknum byggist fyrst og fremst á þrætubókalistinni þar sem allt er tínt fram til að færa rök fyrir slæmum málstað.

Góðar stundir.

[Brynjar Þór Guðmundsson, 25.1.2012 kl. 19:33]

"Auðvitað eru þungmálmar varhugaverðir í fæðu og gildir einu þó þetta orð virðist hafa fleiri en eina merkingu sbr. tilvísun þá sem þú vísar í."    "Vanti einhver vítamín eða steinefni í fæðuna koma fyrr eða síðar fram ýmis einkenni skorts sem geta sum hver leitt til dauða. Þörf einstaklinga fyrir hin ýmsu vítamín og steinefni getur verið mjög mismunandi. Ráðlagður dagskammtur (RDS) af vítamínum og steinefnum er skilgreindur sem það magn næringarefna sem fullnægir þörf nánast allra heilbrigðra einstaklinga. Hann er þess vegna hærri en raunveruleg þörf flestra einstaklinga er fyrir viðkomandi næringarefni."-Vísindavefurinn(http://visindavefur.hi.is/svar.php?id=2930)

http://www2.lydheilsustod.is/vitamin/jarn#Hvert_er_hlutverk_jarns?

 "Það er hlutverk félaga og stofnana eins og Lýðheilsustöðvar að fylgjast gjörla með að í fæðunni séu engin varhugaverð efni í því magni sem talin eru vera óæskileg." Það er ekki alveg rétt, hlutverk lýðheilsustöðvar er að fylgjast með næringagildi og hreyfingu en ekki öðrum efnum. http://www2.lydheilsustod.is (sjá forsíðuna).

http://www.lbs.is/umlbs/matvaelastofnun ; hlutverk matvælastufnunar er:

• Matvælalöggjöf og matvælaeftirlit
• Neytendavernd og fræðslumál
• Heilbrigði og velferð dýra
• Plöntuheilbrigði og sáðvara
• Fóður og áburður
• Sóttvarnir og viðbragðsáætlanir
• Kjötmat
• Inn- og útflutningseftirlit, rekstur landamærastöðva
• Yfirumsjón og eftirlit: Heilbrigðiseftirlit, skoðunarstofur, dýralæknaþjónusta
• Stjórnsýsluverkefni: Lögfræði, alþjóðamál, gæðastýring, beingreiðslur, búfjáreftirlit

Heilbrigðiseftirliti sveitarfélaga má skipta í heilbrigðisnefndir og heilbrigðisfulltrúa. Heilbrigðis-fulltrúar starfa sem fulltrúar viðkomandi heilbrigðisnefndar. Þeir hafa umsjón með starfsleyfisgerð og eftirliti með efnavörum, hollustuháttum, matvælum, umhverfisgæðum og mengandi starfsemi  innan heilbrigðiseftirlitssvæða.-http://www.mast.is/heilbrigdiseftirlit

Það er heilbrigðiseftirlit viðkomandi framleiðslulands sem á að tryggja að varan sem kemur sé í lagi, ekki lýðheilsustöð, MAST eða heilbrigðiseftirlitið, þeir kanna hvort .það sem er gert hér sé í lagið og ganga út frá því að það sem kollegar þeirra (í því landi sem varan/hrávaran kemur) séu að sinna sínu starfi

Ég vil taka það fram að krækju kerfið virkar einhvera vegna ekki.

[Guðjón Sigþór Jensson, 25.1.2012 kl. 20:36]

Brynjar: Þú snýrð þér fremur illa út úr þessu. Á meðan engin vissa er fyrir því hvaða efni eru í þessu 1% getum við ekki verið að rökræða um þessa hluti. Við getum ekki gengið út frá því að í þessu eina prósenti séu efni sem ekki eru skaðleg á meðan svo er.

Þakka þér samt fyrir alla fyrirhöfnina.

[Brynjar Þór Guðmundsson, 26.1.2012 kl. 06:33]

"Á meðan engin vissa er fyrir því hvaða efni eru í þessu 1% getum við ekki verið að rökræða um þessa hluti"

Kjaftæði, það vita allir sem vilja vita hvað er í þessu, ég fæ alltaf vörulýsingu(efnagreiningu) senda með þeim vörum sem ég fæ inn á gólf. Ölgerðion er búin aðsetja inn á MBL vefinn sínar http://www.mbl.is/frettir/innlent/2012/01/16/olgerdin_birtir_vorulysingar/

                                                  ≥ 99.6  SMA 775.01
                     Sodium Chloride (NaCl) %*
                                                  ≤
                     Moisture        (H2O)          0.2   SMA 280.03
                                            %
                                                  ≤
                     Sulfate         (SO4)          1,700 SMA 792.02
                                            mg/kg
                                                  ≤
                     Potassium       (K)    mg/kg   80    SMA 792.02
                                                  ≤       SMA 792.02
                     Calcium          (Ca)  mg/kg   25
                                                  ≤
                     Iron (free)    (Fe)    mg/kg         SMA 104.28
                                                    2.5
                                                  ≤       SMA 792.02
                     Magnesium       (Mg)   mg/kg   2
                                                  ≤
                     Copper         (Cu)    mg/kg   0.4   SMA 792.02
Certified QM system:
                                                  ≤
ISO 9001             Insolubles             mg/kg   100   SMA 116.05
ISO 14001
                     * on dry basis

 Þar fyrir utan er Iðnaðarsaltið 99.6% hrein efnablanda af NaCI(salti). Öll önnur efni(0.4%) eru steinefni sem lḱaminn þarfnast.