Hjal auðvaldskellingarinnar

Í mínu ungdæmi voru þær konur sem voru talsmenn kapítalismann kallaðar „auðvaldskellingar“. Eiginlega taldi Mosi þann tíma löngu liðinn.

En Ólöf Nordal telur að áliðnaður sé eini vaxtarbroddur atvinnulífs á Íslandi. Þó mætti benda eiginkonu forstjóra Alkóa að þegar Bandaríkjamenn myndu taka upp endurvinnslu á einnota álumbúðum, þá væri um svipað magn að ræða sem framleitt er af áli um alla noranverða álfuna.

Fyrir nokkru voru tveim álbræðslum Alkóa lokað fyrirvaralítiðá Ítalíu. Hvenær kemur að okkur skal ósagt látið.

Benda mætti þingkonunni og talsmanni áliðnaðar á Íslandi eru nú starfandi um 30 skógarhöggsmenn. Ný atvinnugrein sem enginn þingmaður hefur borið þá gæfu til að minnast einu aukateknu orði á. 30 ársverk gefa af sér líklega 10-15 „afleidd“ störf. Við erum að tala um 30-45 störf. Þetta slagar í 10% af álveri. Er stofnkosntaðurinn þó óverulegur en tekur tíma að koma skógrækt af stað, atvinnugrein sem er mun hollari en álbræðsla.

Mætti heyra annan boðskap en þann sem kemur frá auðvaldskellingum í byrjun 21. aldar!

Mosi

Sagði að tími Jóhönnu væri liðinn

Athugasemdir

[Helgi Þór Gunnarsson, 4.10.2010 kl. 22:59]

Sæll Guðjón, það alveg satt það sem þú skrifar hér að ofan, það hefur alla tíð þótt hættulegt að vera með öll eggin í sömu körfunni, það er til margur iðnaðurinn en áliðnaður.

Kær kveðja frá Eyjum.

[Ævar Rafn Kjartansson, 4.10.2010 kl. 23:02]

Tek undir orð ykkar beggja nýkominn af kröftugum mótmælum með blöðrur á höndum. Þær sem skipulögðu þetta voru sáttar við að fá 50 manns!

[Tómas Waagfjörð, 4.10.2010 kl. 23:40]

Við eigum að nota rafmagnið okkar til að rækta grænmeti og ávexti, það sem við ekki borðum sendum við til þurfandi landa.

Allt annað er hræsni.

[Guðjón Sigþór Jensson, 5.10.2010 kl. 10:08]

Sammála ykkur Helga og Tómasi: aldrei hefur þótt gott búskaparlag að hafa öll eggin í sömu körfunni og auðvitað mætti framleiða meira af grænmeti hér.

Ævar: mér finnst að fremur hefði átt að mótmæla í bönkunum en á Austurvelli. Þessi mótmæli einkennast fremur af skrílslátum en þeim friðsömu mótmælum sem Hörður Torfason beitti sér fyrir. Það voru mótmæli sem eg tók þátt í.

Mosi

[Ævar Rafn Kjartansson, 10.10.2010 kl. 00:35]

Sammála þér með bankana en þetta er samt að byrja að virka.