Hvenær á að framkvæma?

Margar góðar hugmyndir eru settar á pappír. Svo líða oft vikur, mánuðir,  misseri og jafnvel áratugir og ekkert er gert.

Sjálfstæðisflokkurinn undir forystu Davíðs Oddssonar átti sinn þátt í að grafa undan almenningssamgöngum. Þegar Davíð settist í stól borgarstjóra var dregið stórlega úr þjónustu almenningssamgangna. mun meiri áhersla var lögð á gatnagerð fyrir akandi og má minnast á að Davíð var einn sá síðasti sem hélt dauðahaldi í hugmynd um gerð hraðbrautar á borð við Miklubraut eftir endilöngum Fossvogsdalnum.

Snemma á dögum Davíðs sem borgarstjóra var Starfsemi Skipulagsstofu á höfuðborgarsvæðinu  þannig stórlega lömuð en á árunum kringum 1980 komu fram mjög metnaðarfullar hugmyndir um samgöngukerfi á vegum vinstri manna þar sem reiðhjól áttu m.a. að vera góður kostur í samgöngumálum auk eflingar almenningssamgangna.

Því miður voru þessar hugmyndir aldrei útfærðar almennilega, eitthvað var síðar framkvæmt en hjólreiðastígar eru á mörgum stöðum svo illa lagðir að víða eru þeir lagðir um brekkur og hæðir. Þá var blandað saman umferð gangandi sem hjólandi fólks sem auðvitað þarf að aðskilja betur. Þá liggja reiðstígar mjög nærri þessum stígum og er miður að hestar fælast reiðhjól meir en bíla. Á þessu þarf auðvitað að ráða bót.

Mosi

Hjólreiðaáætlun fyrir höfuðborgarsvæðið

Athugasemdir

[Haraldur Haraldsson, 9.5.2010 kl. 23:06]

Mosi var ekki R listin við völd 3´kjörtímabil i röð hví var þetta ekki gert þá/Kveðja Halli gamli

[Guðjón Sigþór Jensson, 12.5.2010 kl. 22:57]

Sitthvað gott var gert í tíð R-listans þrátt fyrir mótmæli íhaldsmanna. Á þeim bæ var alltaf verið að tala um óþarfa kostnað.

Mosi